Хрестоматия по истории

ДОГОВОРНЫЕ СТАТЬИ СИГИЗМУНДА III  МОСКОВСКИМИ БОЯРАМИ (1610 г., февраля 4)   

«Акты, относящиеся к истории западной России», т. IV, № 180, стр. 314-317.

Отказ (ответ) наяснейшего Сигизмунда  третьего, божьею милостью короля Польского и великого князя Литовского, Московского господарства бояром, околничим, дворяном, дьяком, думным и всим станом, на артыкулы и прозбы их:

1.         Написали есте: когды даст бог великий господарь король его милость в Московском господарстве и на всих преславных и великих господарствах Российских захочет великим господарем царем и великим князем учинити сына своего Владыслава, абы его милость великий господарь царь и великий князь на вМосковское господарство короновался або венчался венцом царским и диядемою, в Москве, от руки патрыарха Московского, стародавным обычаем, як прошлые великие господары Московские на преславное господарство Московское короновалися. — На то его королевская милость позволяти рачит кгды господь бог волю и час свой за успокоеньем досконалым того господарства пошлет.

2.         Абы святая православная греческая вера и святая апостольская церковь мела свою целость и красоту по первшому и в апостольских и вселенских научителев науце и поданью ни в чом не нарушена была, и абы учители римские и люторские и иных вер розорванья церковного не чинили: а которые римские веры люди захочут приходить до церкви греческое веры, тые абы приходили со страхом, яко пристоит правдивым християном, а не гордостью и не в шапках, и псов бы с собою не водили в церковь и не водлуг часу  в церкви не седели. — И на то его королевская милость позволяти рачит: ведьже, им для людей римское веры потреба меть костел, яко о том еще за Бориса мовы были, а при том костеле капланов   або попов лядских и о том с патрыархом и со всим господарством и с бояры думными намова 4 быти мает, абы людей католицких костел хотя один мог быти в месте столечном Москве, для набоженства людей польских и литовских; при которых естли бы з русских людей кому быти трафилося, абы с такою же учтивостью в костеле яко и в руских церквях справо- вался. Отводити теж от греческой веры в римскую и ни в которую иную веру король его милость и сын его королевской милости не кажет; кгдыж вера есть дар божий, и никого от веры силою отводити альбо примушати 5 не годится, але русину русская, а польским и литовским людем лядская вера вольна быти мает.

3.         Целбоносные гробы и тела святых король его милость яко истинный господарь християнской с сыном своим у великой учтивости  мети хочет. Патрыарха теж Московского, также митрополитов, архиепископов, епископов и весь духовный стан хочут шановати   и в милости ховати  , так як римского костела архиепископов, епископов и всих капланов, слуг божиих шануют и милуют. В справы теж духовные вдаваться не будут, и в духовные дела мимо уставы отцов святых и апостольской церкви вступова- тися не хочут; а хто чого не достоин и иных вер людей на духовный стан епископства господарь его милость подавати не будет.

5. Бояр и окольничих и всяких думных и ближних и приказных людей господар его милость хочет мети в учтивости и в ласце своей господарской, яко хто годен и яко было с початку, и звычаи всей давные добре хочет заховати: а жалованье, денежные оброки, и поместья и отчизны, хто што мел перед тым, тое М вперод мети мает, а господарь его милость з ласки и щодробли- вости своее, и над то водлуг заслуг  кождого прибавляти и при- кдинятися будет рачити.

.6. Служивым людем, дворяном и детям боярским господар его милость господарское жалованье давати велит з четверти кождого году, водлуг звычаю давного; а естли што прибавлено не от властных господарей и не водлуг их достойности, або естли у которых убавлено без вины; о том господар его милость будет рачити нарадиться  и намовити з бояры думными, и якая рада .альбо намова их будет, его господарская милость так в том по- етуповати будет рачити яко ся годит, и льготу теж где спустошены отчизны и поместья учиняти будет рачити, нарадившися з бояры; а дворяном и детем боярским, которые жалованье господарское берут з городов, господар его милости давати им жалованье господарское кажет водлуг службы, як перед тым бывало за перших господарей.

7.         На Москве и в городех ружником и оброчником, которые при первших великих господарех для их службы бывали в Москве и в городех, жалованье денежное и хлебное господар его милость давати велит, по первшому, з господарской казны.

8.         Суды мають быти сужены и отправованы водлуг звычаю и Судебника; а будут ли хотети в чом поправы для укрепленья судов на справедливости, ино тое вольно будет бояром и всей земли, а господар его милость поправы судом позволяти рачит, што бы было до святое справедливости потребно.

11. Если ся хто в чем провинит з якого кольвек стану и каранье заслужит в господарских и земских делех, того господар его милость водлуг вины и выступку карати мает, осудивши первей справедливо с бояры и с думными людми; а жоны, дети, братья, которые того учинку не помогали и не ведали, альбо не призволяли, казнены быти не мают, и овшем при своих отчизнах и поместьях и маетностях зоставати мають; а не дошедши вы- ступку   и не осудивши судом с бояры всими, никого не карати, чести з них не брати, на вязенье не засылати, поместья и отчизны не отыймовати. А великих станов людей невинне не понижати, а меньшие станы подносити водлуг заслуг. Отчизн тех и маетностей ни в кого не брати: але естли хто без потомства з сего света зойдет, ино на близких повинных  спадати мают. А все то господар его милость чинити будет с порадою бояр и намовою бояр думных, а без рады и намовы бояр думных господар его милость ничого чинити не будет рачить. До Литвы теж и до Польши никого по неволе господар его милость отводити не будет рачить. А для науки вольно кождому з народу Московского людем ездити в иншые господарства хрестиянские, опрочь бусурманских поганских, а господар его милость отчизн и маетностей у них за то отыймовати не будет.

14.       Пожитки и доходы господарские всякие з городов и волостей, также с кабаков и с тамги грошы велит господар его милость отбирать по давному, як было за прошлых великих господарей; а над давные звычаи не кажет ничого нового господар его милость прибавляти. А которые городы от войны спустошели, до тых пошлет господар его милость списати и доведатися, много ль чего убыло. А доходы брати з оселых3 роскажет водлуг описанья и дозору. А на незвоеваный город естли што надобе над первшие податки прибавити, о том з бояры и з думными людми господар его милость намовитися будет рачить.

15.       Купцом польским и литовским в Московском господарстве, а руским московским в Польше и в Литве торги мають быти вольные и не только в своих господарствах во всих всякими товарами торговати, але и до чужих земель через Польшу и Литву купцом руским для торгов ездити позволяти рачит его королевская милость; а тамги з них на Москве и во всих городах Московского господарства, также в Польше и в Литве роскажет король его милость брати водлуг стародавного обычаю, яко бирано было перед тым, ничого болын над то не прибавляючи, ани упоминков через мус не вымогаючи.

16.       Мужиком хрестьяном до Литвы з Руси, а з Литвы до Руси, и на Руси всяких станов людем русским промеж себе выходу не кажет король его милость допущати.

17.       Холопов невольников боярских заховывати рачит его королевская милость при давных звычаех, абы бояром альбо паном своим служили по первшому; а вольности им господар его милость давати не будет рачить.

18.       На Волзе, на Дону, на Яике и на Тереке козаков естли надобе, або не надобе, намовитися о том будет рачить господар его милость з бояры и з думными людми.

А чого в тых артикулех не доложено, а дасть господь бог, его королевская милость будет под Москвою и на Москве, и будут его господарской милости о которые артыкулы бити челом Московского господарства патрыарх и весь освященный собор, и бояре, и дворяне и всих станов люди; тогды о тых артикулех его госпо- дарская милость мовити и становити и конец учинити рачить будет з Московского господарства звычаю, с патрыархом и со всим освященным собором и с бояры и со всею землею. Писан на стану нашом под Смоленском, лета от нароженья сына божего 1610 месяца февраля 4 дня, Sigismundusj гех. (король Сигизмунд).