судебник царя Ивана Васильевича 1550г


 

 Хрестоматия по истории

 

 

СУДЕБНИК ЦАРЯ ИВАНА ВАСИЛЬЕВИЧА (1550 г.)

 

 

 

 

Владимирский-Буданов, «Хрестоматия по истории русского права», т. II.

Лета 7058 месяца июня в... день царь и великий князь Иван Васильевич всеа Руссии с своею братьею и бояры сесть судебник уложил: как судити бояром и окольничим, и дворецким, и казнечеем, и дияком, и всяким приказным людем, и по городом наместником, и по волостем волостелем, и их тиуном и всяким судиям.

 

1) Суд царя и великаго князя судити бояром и окольничим, и дворецким, и казначеем, и дияком; а судом не дружити и не мстити никому, и посула в суде не имати; також и всякому судье не имати.

3) А который боярин, или околничей, или дворецкой, или казначей, или дияк в суде посул возмет и обвинит кого не по суду, а обыщется то в правду: и на том боярине, или на околничем, или на дворецком, или на казначее, или на дияке взяти исцев иск, а пошлины на царя и великого князя, и езд, и правда, и пересуд, и хоженое, и правой десяток, и пожелезное взяти втрое, а в пене, что государь укажет.

26) А безчестие детем боярским, за которыми кормления, указывати противу доходу, что на том кормленье доходу по книгам; а женам их безчестия вдвое против того доходу. А которые дети боярские емлют денежное жалование, а сколько которой жалования имал, то ему и безчестие; а жене его вдвое против его жалования. А дьякам полатным и дворцовым безчестия, что царь и великий князь укажет; а женам их вдвое против их безчестия. А гостям большим безчестия пятьдест рублев, а женам их вдвое против их безчестия. А торговым людем и посадским людем, всем середним, безчестия пять рублев, а женам их безчестия против их безчестия вдвое. А боярскому человеку доброму безчестия пять рублев, опричь тиунов и доводчиков, а жене его вдвое. А тиуну боярскому, или доводчику и праветчику, безчестие против его доходу, а женам их вдвое. А крестьянину пашенному и непашенному безчестия рубль, а жене его безчестия два рубля. А боярскому человеку молодчему или черному городскому человеку молодчему безчестия рубль же, а женам их безчестия вдвое. А за увечие указывати крестьянину посмотря по увечию и по безчестию; и всем указывати за увечие, посмотря по человеку и по увечью.

32) А неделщику на судей, на бояр, и на околничих, и на дворецких, и на казначеев, и на дияков посулов не просити, и самому неделщику посулов не имати. А которой неделщик... посул возмет, и уличат его в том: и того неделщика казнити торговою казнию, а посулы на нем доправити втрое, да из недель выкинута.

53) А пошлют которого неделщика имати татей и разбойников, и ему имати татей и разбойников безхитростно а не норо- вити ему никому; а изымав ему татя или разбойника не отпустити, ни посулов не взяти; а опричных ему людей не имати. А поцоро- вит которой неделщик татю или разбойнику по посулам, а его отпустит, и уличат его в том; ино на том неделщике истцов иск доправити, а его казнити торговою казнию да вкинути в тюрму, а в казни, что государь укажет.

62) А бояром и детем боярским судити, за которыми кормления с судом с боярским, а на суде у них и у их тиунов быти, где дворской, дворскому, да старосте и лучшим людем, целовални- ком. А судные дела у наместников и у их тиунов писати земским дияком; а дворскому да старосте и цел овал ником к тем судным делом руки свои прикладывати. А противни с тех судных дел слово в слово, писати наместничим дьяком; а наместником к тем противнем печати свои прикладывати... А без старосты и без целовалников суда не судити, и посулов наместником, и их тиуном и их людям не имати: а на государя своего тиуну и пошлинику никому посулов от суда не просити...

68) А которому наместнику дан в кормление город с воло- стьми, или ему даны в кормление волости, а в которых волостех наперед сего старост и целовалников не было, и ныне в тех во всех волостех быти старостам и целовалником...

70) А кого наместничи или волостелины люди учнут давати от кого на поруку до суда и после суда, и по ком поруки не будет: и наместничим и волостелиным людем тех людей являти в городе прикащиком городовым, да дворскому и старосте и целовалником; а в волости являти старосте и целовалником;... а не явя тех людей... к собе не сводити и у собя их не ковати. А кого наместничи или волостелины люди не явя... к собе сведут да у собя его скуют, и ко тем людем и род и племя придут... о том бити челом и являти; и прикащиком да дворскому и старосте и целовалником у наместничих или волостелиных тех людей выймати, и кого у волостелиных людей выймут скована, а им не явлено, ино на наместниче или на волостелине человеке, взяти того человека без- честие, посмотря по человеку; а чего тот на наместниче или на волостелине человеке взыщет, и тот иск взяти на нем вдвое.

80)      А холопа рать полонит, а выбежит из полону, и он свободен, а старому государю не холоп; а похочет тот холоп к своему к старому государю, и того холопа явити боярам, а дияку подписати на старой крепости, а пошлины имати с головы по алтыну. А которой холоп побежит с государем своим, или один побежит без государя своего, а не рать полонит, и выедет тот холоп из которыя земли опять к Москве: и он старому государю холоп по старому холопьству, опричь того, нечто кому государь пожалует даст волную грамоту.

81)      А детей боярских служивых и их детей, которые не служивали, в холопи не приимати никому, опричь тех, которых государь от службы отставит.

87) А кто сорет межу, или грань ссечет, из царевы и великого князя земли, или у боярина, или у монастыря, или боярской у монастырьского, или монастырьской у боярского: и хто в тех межу сорет, или грань ссечет, ино того бити кнутьем, да истцу на нем взяти рубль. А хрестьяне меж собя, в одной волости или в селех, хто у кого межу переорет или перекосит, ино волостелю или поселскому имати на нем за боран два алтына.

88) А хрестьяном отказыватися из волости в волость и из села в село один срок в году: за неделю до Юрьева дни осеннего и неделя по Юрьеве дни осеннем. А дворы пожилые платят в полех за двор рубль да два алтына, а в лесех, где десять верст до хоромного лесу, за двор полтина да два алтына. А которой хрестьянин живет за кем год, да пойдет прочь, и он платит четверть двора; а два годы поживет, и он платит полдвора; а три года поживет, и он платит три чётверти двора; а четыре года поживет, и он платит весь двор, рубль и два алтына. А пожилое имати с ворот; а за повоз имати с двора по два алтына; а опричь того на нем пошлин нет. А останется у которого хрестьянина хлеб в земли, и как тот хлеб пожнет, и он с того хлеба, или с стоячего, даст боран, да два алтына. А по кои места была его рожь в земли, и он подать цареву и великого князя платит со ржи; а боярского ему дела за кем жил, не делати. А попу пожилово нет, и ходити ему вон бессрочно воля. А которой хрестьянин с пашни продастся кому в полную в холопи, и он выйдет бессрочно ж, и пожилово с него нет; а которой хлеб его останется в земли, и он с того хлеба подать цареву и великого князя платит, а не похочет подати платити, и он своего хлеба земляного лишен.

90) А который купец, идучи на торговлю, возьмет у кого денги или товар да на пути у него товар утеряетца безхитростно, исто нет или сгорит, или рать или разбой возьмет: и бояром обыскав, велети тому дати цареву и великого князя дияку полетнюю грамоту, с царя и великого князя печатью, посмотря по животом, платитися истцов в истину, без росту. А кто у кого взяв, идучи в торговлю, да пропиет, или иным каким безумием тот товар погубит без напрасньства, ино того выдати истцу головой до искупа. А в розбойном деле дадут кому полетнюю грамоту и как своего розбою доищется, или в его иску розбойников поймают, и у того та грамота его полетняя не в грамоту.

98) А которые будут дела новые, а в сем Судебнике не написаны, и как те дела с государева докладу и со всех бояр приговору вершатся и те дела в сем Судебнике приписывати.

 

 

 

Смотрите также:

 

Судебник Грозного. Первый Земский собор и издание нового...

Дело в том, что в том же 1550 году царь с братьями и боярами уложил новый Судебник, в коем переработал, дополнил и частью изменил судебник своего деда.
Библиотека Ивана Грозного. Картина Царь Иван Васильевич Грозный.

 

Формирование русского централизованного государства.

В 1550 г. по новому Судебнику власть наместника на местах резко ограничивалась.
18 марта 1548 г. московские колокола своим печальным перезвоном возвестили жителям столицы о кончине царя Ивана Васильевича Грозного.

 

Правление Ивана Грозного

Во-вторых, в 1550 г. был введён в действие новый Судебник (Су-дебником именовался свод действующих законов, нечто среднее между уго-ловным кодексом и конституцией), расширенный, гораздо
Личность царя Ивана Васильевича Грозного всегда вызывала споры.