Хрестоматия по истории

ЖАЛОВАННАЯ ГРАМОТА СВИДРИГАЙЛА НА СЕЛО МИХЛИН, ПОЖАЛОВАННОЕ АНДРЕЮ ВОЛОТОВИЧУ (1442 г.)   

Напечатана в «Актах по истории южной и западной России», т. 1, № 21, стр. 14—15.

Милостью божьею, мы, великий князь Швитрикгайл Литовьский и Русский и иных. Чиним знакомито и даем ведати сим нашим листом каждому доброму нинешним и потом будущим, кто нань возрить или его чтучи услышить, комуж то коли его будет потребизна.

Иже видев и знаменав службу нам верную, а никогда неопущенную, нашего верного слуги пана Андрея Волотовича, и мы, порадився с нашймй кйязи й с паны и с йашею верйою радою, даем и дали есмо тому предреченому пану Андрею, за его верную службу, село Михлин у Луцком повете, против его отчизны Загорова, со всим с тым, што к тым селом з века здавна слушало и слушает, вечисто и непорушно, со всими уходы и приходы, ничого на себе не выменивая, селищи, и с нивами, и с пашнями, и с лесы, и с дубровами, и з бортными землями, и с пасеками, и з гаи и с ловы, и с ловищи, и з бобровыми , и с зеремяны, и с реками, и с озеры, и с криницами, и с потоки, и ставы и ставищи, й со млины, и с мыты, и с болоты, и с рудами, и таке што в тых именьи примыслить собе на новом корени посадить, и со всеми платы, што к тому именью слушаеть и пред тым слушало, и таке с луги, и с сеножатьми и со всеми пожитки, может себе полепшивати, и росширивати, и осадити, и примножити.

А даем тому предписанному пану Андрею Волотовичу верху меновая места вечно и непорушно ему, а по нем ино его детем, и его внучатом, и его ближним счадком, волни во всих тых именьях кому отдати и продати и променити пан Андрей Волотовичь и его ближнии и по нем будучии.

А при том были сведоки наша верная князи и Панове: князь Олеко, Андрей Ивановичь Нос, пан Ивашко Монивидовичь Паорша, князь Борис Глиньский, пан Иван Гулевичь, пан Грицко Кирдеевичь, пан Иван Чорный, пан Андрий Дчюса, маршалок нашь пан Сава Стоян.

А на потверженье того нашего жалованья и печать нашу велели есмо привести к сему нашему листу. А писан в Киеве, под леты рождества Исус Христова 1 ООО лет и 442 лета, месяца декабря 9 день, индикта 12. Приказ пана Андреев Дчюсича маршалков.