восстание черных людей в Смоленске в 1413 г


 

 Хрестоматия по истории

 

 

ВОССТАНИЕ «ЧЕРНЫХ» ЛЮДЕЙ В СМОЛЕНСКЕ В 1440 г.    

 

 

 

Запись о восстании 1440 г. в Смоленске, по - видимому, сделана в Смоленске и была занесена в летопись в виде отдельного рассказа. Отрывок из летописи дан по изданию «Западно-русские летописи». (Полное собрание русских летописей, т. XVII, стр. 67—69, с сохранением правописания, но с раскрытием сокращений.)

В лето 6948 1 сотворися зло велико в Литве: убиень бысть князь велики Жикгимонть2 в Литви во граде Троцех во вербную неделю перед обедом и бысть метежь велик в Литовской земли, а в то время в Смоленьску держал воеводство от Жикгимонта пань Андреи Саковичь и поча приводити ко целованию смолян, чтож князи литовъски и паны вся земля литовская, кого посадить на Вильни на великом княжени, и вам от литовской земли не отступати и (от) великого князя литовского, а ко иному не приступати, а мене вамь в себе держати воеводою во себе доколе сядеть на Вилни князь велики.

 

И владыка  смоленскый Семион и князи и бояре и местичи и черная люди целовали пану Андрею на всемь томь: Вилни не отступати и пана Андрея держати в себе честно воеводою на Смоленску. И по Велице дни   на святой недели в среду здумаша смолняне черныя люди, кузнеци, кожемяки, перешевники, мясьники, котельники, пана Андрея согнати силою с города, а целование переступили и наредилися во изброи и со лукцами и со стрелами и с косами и зь секерами, и зазвонили в колокол. Пан же Андреи почался радити   со бояри смоленскими и бояре ему молвили: вели пане дворяномь своим убиратися у зброи  , а мы и с тобою, чи лепшеи датися им в руки. И поидоша с копи противу их на конех и бысть имь ступь   у Бориса Глеба во городе. Избита много черных людей копии до смерти, а иныи ранены живы остали, и побегоша черныа люди от пана Ондрея, и той нощи выеха пан Андреи из города со женою и бояре смоленскыи с нимь.

 

И после того бысть метежь великь во Смоленску, изымаше смолняне Петрыку маршалка смоленского и утопиша его во Днепре, и посадиша собе воеводу в Смоленску князя Андрея Дмитриевичь Дорогобужського. Рада же литовская великого княжения князи и Панове и вся земля дорадивъшися и взяша из ляховь Казимера королевича на великое княжение Литовское и посадиша его со честию на стольнечьномь граде на Вилне и на всей Руской земли. И в то время приде князь Юри Лыньгвеневичь из Новгорода в Литву, и князь великий Казимир 3 короле- вичь дал ему отчину его, Мстиславлю. Бояре же смоленскыи приехали к нему из Литвы ко Смоленску и черьны люди не пустиша их у город. Они же разъехалися по своемь селомь и затымь бысть бран велика межи бояр и черных людей. И бояся бояр черныя люди, призваша к собе оспод (а) ремь князя Юря Лигвенивича, и Посла князь Юрьи поимата бояр и поимаша боярь и покаваша их, имение их подавше бояремь своимь.

 

И той же осени на Филиповы запуски приде литовское войско ко Смоленску и сьтояша полтрети недели, посады и церкви и монастыри пожьгоша, а людей много множество посекоша, а живых в полон поведоша и много зла сотворися, и поидоша прочь.

 

 

 

Смотрите также:

 

Бояре. Новгородское боярство. Житые люди. Купцы и черные...

Еще ниже лежал слой черных людей, ремесленников и рабочих, экономически зависевших также от высших классов.
В 1440 г. посетил его местный архиепископ Евфимий. Блаженный сказал владыке: "А сегодня радость большая в Москве".

 

ТВЕРСКИЕ ГОРОДА. Тверь и тверское княжество в средневековой...

Из грамот видно, что тверские купцы бывали в Смоленске, Киеве, Витебске, Дорогобуже, Вязьме, Полоцке, Вильне, в свою очередь с литовских
Следствием этого было восстание «черных людей» в самом Торжке против бояр, ввергнувших город в конфликт с Москвой.

 

Средневековая Россия. ПОЛИТИЧЕСКОЕ РАЗВИТИЕ ГОРОДОВ...

В городах поднимались народные восстания, и в этих восстаниях освободительная война неразрывно сплеталась с антифеодальной.
Тем более князья пресекали попытки своих холопов и сельчан путем бегства в город слиться с массой «черных людей».