Древнерусские летописи.

Для правильного отображения символов необходимо скачать и установить летописный шрифт

НОВГОРОДСКАЯ ПЕРВАЯ ЛЕТОПИСЬ СТАРШЕГО ИЗВОДА

СИНОДАЛЬНЫЙ СПИСОК

 Часть 1 2 3 4 5 6 7

 Въ лЂто 6689 [1181]. МЂсяця июля въ 3, зажьжена бысть церкы от грома Варязьская на Търговищи, по вечернии, въ час 10 дни; и церкы съгоре святого Иоанна Ишькова. Томь же лЂтЂ загорЂся пожаръ въ СлавнЂ от Къснятина  ¹, и съгореста церкви 2: святого Михаила, а другая святыхъ Отець, и дворове ² мнози по брегу, оли и до Руцья. Зъ то же лЂто съ/л.44об./рубиша церковь святого Иякова на Добрыни улици, и святую безмездьнику Къзмы и Дамияна, и святого Савы, и святого Георгия, и святого Йоанна Ищькову. Томь же лЂтЂ идоша новгородьци къ Дрьюцьску съ Святославомь, съ Олговомь вънукомь. И въ то врЂмя приде Всеволодъ съ всЂмь пълкомь своимь и съ муромьци и с рязанъци на Новыи търгъ; и затворишася новотържьци въ граде съ княземь Яропълкомь. И осЂдоша городъ, и сЂдЂша 5 недЂль, и изнемогоша въ градЂ: зане не бяше имъ кърма, друзии бо ихъ и конину ядяху; и устрЂлиша князя Яропълка въ градЂ, и бЂда имъ /л.45./ бЂ велика; и предашася новотържьци, а Яропълка веде съ собою, оковавъ, и новотържьце все съ женами и съ детьми, и городъ пожьже. А новгородьци възворотишася от Дрьюцьска, пожьгъше городъ. Тъгда же на зиму показаша путь Володимиру Святославицю, и иде къ отцю въ Русь, а новгородьци послашася къ ВсЂволоду по князь, и въда имъ своякъ свои.

Въ лЂто 6690 [1182]. Приде князь Ярослав въ Новъгородъ, сынъ Володимирь, а вънукъ великаго Мьстислава. Томь же лЂтЂ концяста церковь архепископъ Илия съ братомь на воротЂхъ святого Богоявления. Тъгда же и святыхъ Отець ³ /л.45об./ церковь поставиша.

Въ лЂто 6691 [1183]. Постависта цьрковь святого Еупатия Радъко съ братомь на Рогатеи улици. Томь же лЂтЂ ходи ВсЂволодъ на Българе съ всею областию своею, и убиша Българи князя ГлЂбовиця Изяслава. На ту же зиму бишася пльсковици съ Литвою, и много ся издЂя зла пльсковицемъ.

Въ лЂто 6692 [1184]. Заложи архепископъ Илия съ братомь церковь святого Иоанна камяну на Търговищи. Томь же лЂтЂ выведе Всеволодъ, приславъ, своякъ свои из Новагорода Ярослава Володимириця: негодовахуть бо ему новгоро/л.46./дьци, зане много творяху пакостии волости Новгородьскеи. И съдумавъше новгородьци, послашася Смольньску къ Давыдови, просяце сына у него; и въда имъ Мьстислава, и приведоша и Новугороду и посадиша и на столЂ, мЂсяця септября. Въ то же лЂто сърубиша церковь нову святого Власия.

Въ лЂто 6693 [1185]. Маия въ 1 день, въ час 10 дни, яко въ звонение вечернее, солнце помьрче, яко на часу и боле, и звезды быша, и пакы

 ¹ Верхний угол листа срезан. но до того, как был написан текст.

 ² В с.троке архієппЂ и с над строкой под дугой.

 ³ В строке арьхиеппъ и с над строкой под дугой.

 ⁴ Справа в листе отверстие.

 ⁵ В рукописи новегородЂ оубиша новегороде

 ⁶ Буква ж над строкой под дугой.

 ⁷ В рукописи новгородьскыии

 ⁸ В А милостию съблюде

 ⁹ В К печеръскыи и югорьскыи даньници

 ¹⁰ Буква д переделана из н

просветися, и ради быхомъ. МЂсяця того же въ 6 заложиша Лукиници церковь камяну святых апостолъ Петра и Павьла на Сильнищи ¹. /л.46об./ Въ то же лЂто Милонегъ заложи церковь камяну святого Възнесения, при архиепископЂ ² Илии, а князи Мьстиславе Давыдовици. А на зиму поиде Давыдъ къ Полотьску съ новгородьци и съ смольняны, и, умиривъшеся, воротишася на Еменьци.

Въ лЂто 6694 [1186]. Иде Завидъ къ Давыду Смольньску; и въдаша посадничьство Михалеви Степаницю. Томь же лЂтЂ приде цесарь грьцьскыи Алекса Мануиловиць въ Новъгородъ. Тъгда же ходиша на Емь молодьци о ВышатЂ о Василевици и придоша опять сторови, добывъше полона. Въ то же лЂто преставися Илия, арь/л.47./хиепископъ ³ новъгородьскыи, мЂсяця септября въ 7 день, и положенъ бысть въ притворе святыя София. Новгородьци же съ княземь Мьстиславомь и съ игумены и съ попы съдумавъше, изволиша собе поставити брата его Ильинъ Гаврила; и послаша съ мольбою къ митрополиту къ Никифору; и ⁴ прислаша по нь митрополитъ и вся княжья русьская, и пояша и съ любъвью. Тои же зиме НовегородЂ убиша ⁵ Гаврила Неревиниця, Ивачя Свеневиця, и съ моста съвьргоша. Въ то же врЂмя въстань бысть Смоленьске промежи князьмь Давыдомь и смолняны, и много головъ паде луцьшихъ муж ⁶. /л.47об./

Въ лЂто 6595 [1187]. Поставленъ бысть архиепископъ новгородьскыи ⁷ Гаврила мЂсяця марта въ 29, на святого Варихисия, и приде Новугороду мЂсяця маия въ 31, на святого мученика Ермиа; и ради быша новъгородьци. Томь же лЂтЂ преставися игуменъ МоисЂи у святыя Богородиця Антонове манастыри, и поставиша на мЂсте его Волоса. Въ то же лЂто громъ бысть страшьнъ зЂло и мълния; прищьдъшмъ съ кресты от святыя София къ святому Михаилу и поющимъ 9 пЂснь, и шибе громъ и мълния, и падоща вси людье, и церкы загореся; нъ богъ своею милостию ⁸ и молитвами святого Михаила /л.48./ и не бысть беды церкви а 2 человЂка быста мьрътва. Въ то же время избьени быша печерьскеи и югърьскии ⁹ въ Печере, а другии за Волокомь, и паде головъ о сте къметьства. Томь же лЂтЂ бысть знамение въ солнци въ полъдни ¹⁰, и бысть яко мЂсяць, и съмерчеся, и по мале времени напълнися и пакы просвЂтися, мЂсяця септября въ 9. Въ то же лЂто выгнаша новгородьци князя Мьстислава Давыдовиця, и послаша къ ВсЂволоду Володимирю по Ярослава по Володимириця; и въниде въ Новъгородъ, и седе на столЂ мЂсяця ноября въ 20.

Въ лЂто 6696 [1188]. Заложи церковь камяну святыя Богородиця Успени/л.48об./е въ Аркажи манастыри Сьмьюне Дыбачевиць. Томь же лЂтЂ дЂлаша мостъ новъ чересъ Волхово по сторонь ветъхаго. Томь же лЂтЂ переставися рабъ божии Германъ, иерЂи святого Якова, зовемыи Воята, служивъшю ему у святого Иякова полъпятадьсятъ лЂт въ крртости и съмерении и богобоязньствЂ: поя съ собою Пльскову архепископъ Гаврила, и дошьдъ Пльскова разболеся, и постриже и владыка и въ скиму, и преставися мЂсяця октября въ 13, на святую мученику Карпа и Папула, и положиша и у святого Спаса въ манастыри. Покои, господи, душю раба твоего Германа, отпусти е/л.49./му вся прегрешения вольная и невольная. На ту же зиму бысть дорогъвь, оже купляху по д†ногате хлЂбъ, а кадь ръжи по 6 гривнъ; нъ божиею милостию не бысть пакости въ людьхъ. Въ то же лЂто рубоша новгородьце Варязи на ГътЂхъ, Немьце въ Хоружьку и въ Новотържьце; а на весну не пустиша из Новагорода своихъ ни одиного мужа за море, ни съла въдаша Варягомъ, нъ пустиша я без мира.

Въ лЂто 6697 [1189]. Святи церковь Гаврила, архиепископъ новъгородьскыи, святыя богородиця Успение въ Аркажи манастыри мЂсяця июня въ 4, на святого Митрофана. /л.49об./ Въ то же лЂто постави церковь нову архепискотъ Гаврила на Жатуни въ имя святыхъ 3-и отрокъ: Анания, Азария и Мисаила, и Данила пророка. Въ то же лЂто родися Новегороде у Ярослава дъци княгыни на Рожьство богородици. Томь же лЂтЂ коньцаша церковь пишюще святого БлаговЂщеняя. Томь же лЂтЂ отяша посадницьство у Михаля и вдаша Мирошки Нездиницю.

 ¹ Вероятно, по описке, вместо избиша

 ² Край листа срезан до того, как был написан текст.

Въ лЂто 6698 [1190]. Родися НовегородЂ у Ярослава сынъ Михаилъ, а княже имя Изяслав, а вънукъ Володимирь. Томь же лЂтЂ избища ¹ пльсковици Чюдь поморьскую: пришли бо бяху въ 7 шнекъ и оболочилися /л.50./ около порога въ озеро, и удариша на не пльсковици и не упустиша ни мужа, а шнеке привезоша Пльскову въ городъ ².

Въ лЂто 6699 [1191]. Ходиша новгородьци съ Корелою на Емь, и воеваша землю ихъ и пожьгоша и скотъ исекоша. Въ то же лЂто сърубиша церковь на Городищи святого Николы князь Ярослав, а владыка въ дворе у себе Устретение господне; въ то же лЂто и святого Образа ВънездЂ НЂздиниць, и святыя Пятьници на Търговищи Къснятине съ братомь. Томь же лЂтЂ святи церковь бо/л.50об./голюбивыи архепископъ Гаврила святого Възнесения, създана Милонегомь тысяцьскымь. Въ то же лЂто ходи князь Ярослав на Лукы, позванъ полотьскою княжьею и полоцяны, и поя съ собою новъгородьць передьнюю дружину; и съняшася на рубежи и положиша межи собою любъвь, яко на зиму всЂмъ сънятися любо на Литву, любо на Чюдь; и приде князь Новугороду Ярославъ одаренъ. Тъгда же родися у князя сынъ у Ярослава. /л.51./ И бысть на зиму и иде князь Ярославъ съ новъгородьци и съ пльсковици и съ оболостью своею на Чюдь и възя городъ Гюргевъ, и пожьгошя землю ихъ и полона бещисла приведоша; а сами придоша сторови въ Новъгородъ.

Въ лЂто 6700 [1192]. Иде князь Ярослав Пльскову на Петровъ день, и новъгородьци въмале; а самъ седе на Пльскове, а дворъ свои пославъ съ пльсковици воеватъ, и шьдъше възяша городъ Медвежю голову и пожьгоша, и придоша сторови. Въ то же лЂто постави цьрковь вънизу на ХутинЂ Варламъ цьрнець, а мирьскымь имень/л.51об./мь Алекса Михалевиць, въ имя святого Спаса Преображения; и святи ю владыка архепископъ Гаврила на праздьникъ, и нарече манастырь. Въ то же лЂто концяша церковь святыхъ Апостолъ на Силинищи, и святи ю архепископъ Григории на Петровъ день. Въ то же лЂто въ Русе сърубиша церковь на островЂ, Мартурии игуменъ, въ имя святого Преображения_г и створи манастырь, и бысть прибежище крьстьяномъ. Томь же лЂтЂ съгоре црькы на ХълмЂ святыхъ Апостолъ, зажьжена от грома. Томь же лЂтЂ переставися игумения Мария святого Въскресения, и поставиша на месте Евдокию. /л.52./ Томь же лЂтЂ у святЂи Богородици въ Звериньци поставиша игумению.

 ¹ Перед числовой буквой ψ̃ (700) написано было х̃ (600) и стерто.

 ² Буква о неясна.

Въ лЂто 6701 ¹. [1193] Преставися Гаврила, архепископъ новгородьскыи, мЂсяця маия въ 24, на святого Смена, иже на ДивнЂи горе, и положенъ бысть въ притворе святыя София, посторонь брата, нареченаго въ чьрнецьстве Григории. Новгородьци же съ княземь Ярославомь и съ игумены и съ софьяны и съ попы съдумавъше, изволиша богомь избрана Мартурия, и послаша по нь, и приведоша из РусЂ, и посадиша и въ епископии, и послаша къ митрополиту; и присла по нь съ чьстью. И иде с передними /л.52об./ мужи, и прия и съ любъвью князь Святослав и митрополитъ, и поставиша и мЂсяця декабря въ 10, на святого Данила стълъпника; и приде въ Новъгородъ мЂсяця генваря въ 16, на святого апостола Петра Съпадение веригамъ. Въ то же лЂто идоша из Новагорода въ Югру ратью съ воеводою Ядреемь; и придоша въ Югру и възяша городъ, и придоша къ другому граду, и затворишася въ градЂ, и стояша подъ городомь 5 недЂль; и высылаху къ нимъ Югра, льстьбою рекуще тако, яко «копимъ сребро и соболи и ина узорочья, а не губите своихъ смьрдъ и /л.53./ своеи дани», а льстяще ими, а вое  ² копяче. И яко скопиша вое и выслаша из города къ воеводЂ: «поиди въ городъ, поемъ съ собою 12 муж вячьшихъ»; и иде въ городъ воевода, поимя съ собою попа Иванка Легена и инЂхъ вячьшихъ, исЂкоша я на канунъ святыя Варвары; и выслаша пакы, и пояша ихъ 30 муж вячьшихъ, и тЂхъ исЂкоша и потомь 50. И яко изнемогоша голодомь, стояли бо бяху 6 недЂль, слушаюче льстьбЂ ихъ, и на праздьникъ святого Николы вылЂзъше из города, исЂкоша вся; и бЂ туга и беда останку /л.53об./ живыхъ; бЂ бо осталося ихъ 80 муж. И не бяше вести чересъ всю зиму въ НовегородЂ на не, ни на живы, ни на мьртвы; и печяловахуся въ НовегородЂ князь и владыка и вьсь Новгородъ. Въ то же лЂто родися въ НовегородЂ у Ярослава сынъ Ростислав. Томь же лЂтЂ сърубиша церковь святую Апостолу на ХълмЂ Живогложю и святого Иоанна Милостиваго на воротехъ о Въскресения.

 ¹ Возможно I (10) по описке вместо г (3); в КА—3

 ² Возможно по описке вместо жировати. Но в К также тировати, в А жити

 ³ Буква ъ неясна.

Въ лЂто 6702 [1194]. Зажьжеся пожаръ НовегородЂ въ недЂлю на ВсЂхъ святыхъ, в говЂние, идуче въ заутрьнюю: загореся Савъкине дворе на Ярыше†улици, и бяше пожаръ зълъ, съгорЂ/л.54./ша церкъви 10 ¹: святого Василия, святыя Троиця, святого Въздвижения, и много домовъ добрыхъ; и уяша у Лукини улици. И не ту ся зло устави за грехы наша, нъ на другыи день загореся въ Чьглове улки, и погоре дворовъ съ 10. И потомь боле въздвижеся: тои же недЂли въ пятници, въ търъгъ, загорЂся от Хревъкове улици оли до ручья Неревьскеи коньць, и съгорЂ церкъвии 7 и домове величии. Оттоле въста зло: по вся дни загарашеся невидимо и 6 мЂстъ и боле; и не съмяху людье тировати ² въ домъхъ, нъ по полю живяхуть; и потомь по/л.54об./горе Городище. Томь же лЂтЂ и Ладога погоре переди Новагорода, а потомь и Руса погорЂ; а въ Людини коньци погорЂ дворовъ 10; и тако ся чюжяше от ВсЂхъ святыхъ до Госпожина дни. И тъгда придоша избытъкъ живыхъ изъ Югры. И убиша Сбышку Волосовиця и Негочевиця Завида и Моислава Поповиця сами путьники, а друзии кунами ся откупиша; творяхуть бо я съвЂтъ дьржаще на свою братью, а то богови судити. Въ то же лЂто поставиша церковь святого апостола Филипа иа НутьнЂи улици, и святи ю владыка Мартурии мЂсяця генваря въ 29, на святого Игнатия перенесение /л.55./ мощьмъ ³. Въ то же лЂто прЂставися игуменъ Дионисии святого Георгия, и поставиша на мЂстЂ его Саватию. Тои же зиме преставися игуменъ Герасимъ у святыя Богородиця въ Аркажи манастыри, и поставиша на мЂстЂ его Панъкратия попина.

Въ лЂто 6703 [1195]. Заложи церковь камяну на городьныхъ воротЂхъ боголюбивыи архепископъ новгородьскыи Мартурии въ имя святыя богородиця Положение ризы и пояса; и начяша дЂлати мЂсяця маия въ 4, на святого Исакия; а концяша мЂсяця августа въ 2, на святого Стефана; и святи владыка на праздьникъ святыя богородиця Положение ризы и пояса; и бысть крестьяномъ прибежище, /л.55об./ и радость и веселие вернымъ. Тои же осени заложи церковь святого Въскресения камяну въ манастыри владыка Мартурии, и възделаша до двьрии охоло до осени. Томь же лЂтЂ преставися раба божия Хрьстна святыя Варвары; и поставиша на мЂстЂ еи, избра владыка и сестры все, кротъку и съмЂрену именьмь Варвару Гюргевую Олекшиниця; и постави ю владыка на сборъ святыя Еуфимие. Томь же лЂтЂ сърубиша цер.<овь нову святого Въздвижения и святого Василия и святого Дмитрия Ноздрьцину. Томь же лЂтЂ, на зиму, позва ВсЂволодъ новгородьце на Чьрниговъ, на Ярослава и на всЂ /л.56./ Ольгово племя; и новгородьци не отпьрешася ему, идоша съ княземь Ярославъмь огнищане и гридьба и купци. И быша на НовЂмь търгу, и присла ВсЂволодъ и възвороти е съ чьстью домовь. И послаша новгородьци къ нему Мирошку посадника и Бориса Жирославиця, Микифора съцьскаго, просяче сына, а Ярослава негодующе; и възворотишася въ Новъгородъ. Тои же зимЂ бишася смолняне съ черниговьци, и поможе богъ цьрниговьцемъ, и яша кънязя Бориса Романовиця; и не бяше мира межи ими. И прия Всеволодъ Мирошку и Бориса и Иванка и Фому, и не пусти ихъ /л.56об./ въ Новъгородъ, а самъ посла въ Половьце; и почаста вое копити ВсЂволодъ и Давыдъ собе, а Ярославъ Цьрниговьскыи и Игорь съ братьею; и не бяше мира межи ими, нъ рать большю въздвигнуша.

 ¹ Монастырь находился, повидимому, не на Лубяной улице (см. Зап. отд. русск. и слав. археол. и русск. арх. общества, т. IV, СПб., 1887 г. стр. 118). Ср. Новг. 1-ую летопись младшего извода под 6704 г.

Въ лЂто 6704 [1196]. Заложиста црьковь камяну святого Кюрила въ манастыри въ НЂлезЂнЂ Къснятинъ и Дъмитръ, братеника, на ЛубянЂи улици ¹; и начаша дЂлати мЂсяця априля, а коньцяша мЂсяця июля въ 8, на святого Прокопия; и святи ю владыка Мартурии на зиму мЂсяця генваря въ 19, на святыя Татияны, при игумене Онисиме; и бысть радость крестья /л.57./ номъ, а Къснятину и Дъмитру вЂчьная память. Томь же лЂтЂ испьса црковь на воротехъ архепископъ Мартурии святыя Богородиця, а писець Грьцинъ Петровиць. Въ то же лЂто концяша церковь святого Въскресения; и святи владыка Мартурии мЂсяця септября въ 13, на святого Корнилия, на канонъ святого Въздвижения, при игумени; а владыка тружаяся и горя въ день зноемь, а въ ноць печялуяся, абы коньцяти и видети церковь съвЂршену и украшену; и егоже желавъ, прия царство небесное и радость неисконьцяему въ вЂкы, аминъ. Исходящю лЂту, слахуся новъ/л.57об./городьци къ ВсЂволоду посадника дЂля Мирошке и Иванка и ФомЂ, пустилъ бо бяше Бориса и иные муже с нимь; а ВсЂволодъ иде

 ¹ Буква ж перепразлена из д

 ² В рукописи по всему всЂму

 ³ Можно также прочесть мужи и сътьскии, так как е строке моуи н ж над строкой под дугой.

 ⁴ В рукописи по описке створим

на Чьрниговъ, съкупивъ силу свою и половьчьску силу приведъ, и вожаше съ собою посадника новгородьскаго Мирошку и Иванка и Фому, а новгородьцемъ повеле ити на Лукы. Идоша съ Ярославомь, и сЂдЂвъше на Лукахъ, воротишася домовь, а ВсЂволодъ въшьдъ въ землю ихъ; и не вда богъ межи ими кръви пролития больша, и възяша миръ межи собою, а Новгородъ выложиша вси князи въ свободу: кде имъ любо, ту же собе князя поимають. И въ/л.58./звративъся ВсЂволодъ, пусти Фому Новугороду, а Мирошке и Иванка не пусти, и розгнЂви новгородьце; и съдумавъше новгородьце, и показаша путь из Новагорода и выгнаша и на Гюргевъ день, осень, Ярослава князя. Иде князь Ярославъ на Новыи търгъ, и прияша и новоторожьци ¹ съ поклономь; и жяляху по немь въ НовегородЂ добрии, а злии радовахуся. И послаша Цьрнигову къ Ярославу по сынъ, и сЂдеша всю зиму НовегородЂ бесъ князя; а Ярославъ княжяше на Търъжьку въ своеи волости, и дани поима по всему ² Вьрху и Мъсте, и за Волокомь възьма дань; а новгородьце измавъ Всеволо/л.58об./дъ за Волокомь и по всЂи земли своеи, дьржаше у себе, не пустя ихъ Новугороду; нъ хожаху по городу по воли Володимири. Тои же зиме святи церковь святого Кюрила въ НелезенЂ епископъ Мартурии.

Въ лЂто 6705 [1197]. Приде князь ис Церьнигова Новугороду Яропълъкъ Ярославиць на вьрьбницю, настануцю лЂту мртъмь мЂсяцемь; и сЂдевъшю ему от вьрьбнице до Сменова дни 6 мЂсяць одину, и выгнаша из Новагорода, и послаша опять по Ярослава. Иде Ярославъ съ Новаго търгу Володимирю, позванъ Всеволодомь. Идоша из Новагорода переднии мужи сътьскии ³ и пояша Ярослава /л.59./ съ всЂю правьдою и чьстью; и приде на зиму Ярославъ по Крещении за недЂлю и седе на столЂ своемь, и обуяся съ людьми, и добро все бысть; и Мирошка приде посадникъ, сЂдевъ 2 лЂта за Новгородъ; и вси придоша неврежени ничимь же; и ради быша НовегородЂ вси от мала и до велика. Томь же лЂтЂ постави церковь на острове святого Никифора Мартурии архепископъ. Въ то же лЂто постави манастырь святыя Еуфимия въ Плътьникихъ Полюжая Городьшиниця Жирошкина дъци.

Въ лЂто 6706 [1198]. Заложи церковь камяну въ РусЂ святого Преображения боголюбивыи а/л.59об./рхепископъ Мартурии; нацяша дЂлати мЂсяця маия въ 21, на святую цесарю Костянтину и Елены, а коньцяша мЂсяця июля въ 31, на святыя Улиты; и святи церковь на Успение святЂи Богородици, и створи ⁴ праздьникъ честьнъ и служьбу створи, и помолися, глаголя: «господи боже, призри съ небесъ и вижь, и посЂти винограда своего, и съвЂрьши иже насади десниця твоя; и призри на церковь сию, юже създахъ рабъ твои; архепископъ Мартурии, въ имя святого твоего ПрЂображения: да аще кто помолиться въ церкви сеи съ вЂрою, тъ услыши молитву его, и отпусти грЂхы его, молитвами /л.60./ святыя богородиця и всЂхъ святыхъ твоихъ, аминъ». И веселяшеся блаженыи душею и теломь, устроивъ собе память вЂчьную и всЂмъ крестьяномъ честьныи манастырь. Тои же весне преставистася у Ярослава сына 2: Изяслав бяше посаженъ на Лукахъ княжити и от Литвы оплечье Новугороду, и тамо преставися; а Ростиславъ НовЂгородЂ; и оба положена у святого Георгия въ манастыри. Въ то же лЂто заложи церковь камяну князь великыи Ярославъ, сынъ Володимирь, вънукъ Мьстиславль, въ имя святого Спаса Преображения НовегородЂ на горЂ, а про/л.60об./звище Нередице; и начаша дЂлати мЂсяця июня въ 8, на святого Федора, а кондяша мЂсяця септября. На ту же осень придоша полочяне съ Литвою на Лукы и пожьгоша хоромы, а лучяне устерегошася и избыша въ городЂ. Томь же лЂтЂ заложиша церковь камяну святого Илие на ХълмЂ. На ту же зиму ходи князь Ярославъ съ новъгородьци и съ пльсковици и съ новотържьци и съ ладожаны и съ всею областию Новгородьскою къ Полотьску, и устретоша полоцяне съ поклономь на озЂре на Касънле; и възьмъше миръ, възвратишася Новугороду: богъ бо не /л.61./ вда кръви пролитья крестьяномъ межи собою.

 ¹ В рукописи съдумавъ съдумавъ

Въ лЂто 6707 [1199]. Приславъ ВсЂволодъ, выведе Ярослава из Новагорода и веде и къ собе; а из Новагорода позва владыку и посадьника Мирошку и вячьшии мужи по сынъ. И яко быша на озЂре Серегери, преставися рабъ божии архепископъ новгородьскыи Мартурии мЂсяця августа въ 24, на святого апостола Варфоломея; и привезоша и, положиша и въ притворе святыя София. Идоша людье съ посадникомь и съ Михалкомь къ ВсЂволоду; и прия е съ великою честью и вда имъ сынъ Святославъ; а въ Новъгородъ, съдумавъ ¹ /л.61об./ съ посадникомь, присла, и съ новъгородьци, и въведе въ епискупию Митрофана, мужа богомь избьрана; и всь Новъгородъ, шьдъше, съ честью посадиша и, донележе будеть от митрополита позвание: и тъгда поидеши на поставление. Въ то же лЂто заложиша церковь камяну Святыхъ 40. Томь же лЂтЂ постави церковь княгыни Ярославляя на Михалици манастырь святыя богородиця Рожьство, игумению поставиша Завижюю посадника. Въ то же лЂто испьсаша церковь святого Преображения на Городищи. Въ то же лЂто испьсаша церковь въ РусЂ святого Сааса владычьню въ манастыри. /л.62./ Приде же князь Святослав въ Новъгородъ, сынъ Всеволожь, вънукъ Гюргевъ, мЂсяця генваря въ 1, на святого Василия, и посадиша и на столЂ въ святЂи Софии, и обрадовася вьсь Новъгородъ. Въ то же лЂто въ РусЂ городъ обложиша.

 ¹ От слов съ БЂлее начинается другой почерк.

 ² Справа что-то написано другими чернилами и почерком и смазано; можно разобрать: и ван

 ³ Вторая и третья буквы неясны; можно также читать с Толбовиця

Въ лЂто 6708 [1200]. Ловоть възяша Литва и до Налюця, съ БЂлее ¹ до Свинорта и до Ворча середу; и гнашася новгородьци по нихъ и до Цьрнянъ, и бишася с ними, и убиша Литвы мужь 80, а новгородьць 15: Рагуилу Прокопииница съ братомь Ольксою, Гюргя Събышкиниця, Ратьмира НЂжатиниця, Страшка сереброника вЂ/л.62об./сця, Вънезда Ягиниця, Луку Мирэшкинъ отрок, Микиту Лазоревиця, Жирошку Огасовиця, Осипа подвоискаго, Романа Пъкта, инЂхъ 4 муж, а полонъ вьсь отяша, а избътъкъ убЂжаша ². Въ то же лЂто иде Нездила Пьхциниць на Лукы воеводою; иде съ Лукъ съ маломь дружины въ Лотыголу на тороне, и засташа я въ одринахъ, и убиша ихъ 40 муж, а жены ихъ и дЂти поимаша, а сами придоша на Лукы сторови вьси; а кто бЂ нЂ пошолъ по нихъ Столбовиця ³ съ нЂколькомь дружины, а у тЂхъ кун поимаша, бивъше. /л.63./

Въ лЂто 6709 [1201]. Новъгородьци богомь избранаго Митрофана въведоша въ епископью по Мартурии, и иде въ Русь ставитъся къ митрополиту съ новгородьскыми мужи и съ всЂволожими, и поставленъ бысть мЂсяця июля въ 3 день, на святого Уакинфа; и приде въ Нозъгородъ селтября въ 14, на Въздвижение честьнаго хреста; и ради быша новгородьци своему владыцЂ. Въ то же лЂто мЂсяця априля въ 15 съгорЂ церкы от грома святого Николы на Городищи; и ста всЂ лЂто дъжгево. А Варягы пустиша без мира за море. Того же лЂта сърубиша въ РусЂ городъ. А на осЂнь придо/л.63об./ша Варязи горою на миръ, и даша имъ миръ на всЂи воли своеи.

Въ лЂто 6710 [1202]. СъвЂршиша церковь камяну святого пророка Илие на ХълмЂ, коньць Славьна, и святи ю владыка Митрофанъ на праздник.

Въ лЂто 6711 [1203]. Рюрикъ съ Ольговици и съ погаными Половци, Концякъ и Данила Бяковиць, възяша град Кыевъ на щитъ въ 1 день генваря, на святого Василия; а кого доидеть рука, цьрньця ли, церницЂ ли, попа ли, попадье ли, а ты вЂдоша въ поганыя; а что гости, иноземьця вьсякого языка, затворишася въ церквахъ, и въдаша имъ животъ, а товаръ съ ними роздЂлиша на полы; а что по мана/л.64./стыремъ и по всЂмъ церквама, вся узорочья и иконы одраша и везоша погании въ землю свою; а град пожгоша. Въ то же лЂто побЂдиша Олгозиця Литву: избиша ихъ 7 сотъ и 1000. Томь же лЂтЂ прЂставися Мирошьшка, посадникъ новъгородьскыи, постригъся у святого Георгия; и по том даша посадницьство Михалку Степаницю. Томь же лЂтЂ, по грЂхомъ нашимъ, измроша кони НовЂгородЂ и по селомъ, яко нЂлзЂ бяше поити смрады никуда же.

Въ лЂто 6712 ¹. [1204] Царствующю Ольксе въ ЦесариградЂ, въ царст†ИсаковЂ, брата своего, егоже слЂпивъ, а са/л.64об./мъ цесаремь ста, а сына его Олексу затвори въ стЂнахъ высокыхъ стражею, яко не вынидеть. И временомъ минувъшемъ, и дьръзну Исакъ молитися о сыну своемь, дабы его испустилъ ис твьрди прЂдъ ся; и умоли брата Исакъ, и прияста извЂщение съ сыномь, яко не помыслити на царство, и спущенъ бысть ис твьрди и хожашеть въ своеи воли. Цесарь же Олькса не печяшеся о немь, вЂря брату Исакови и сынови его, зане прияста извЂщение; и потом Исакъ помысливъ, и въсхотЂ царства, и учяшеть сына, посылая потаи, яко «добро створихъ брату моему ОлЂксЂ, от поганы//хъ выкупихъ его, а онъ противу зло ми възда, слЂпивъ мя, царство мое възя». И въсхотЂ сынъ его, якоже учашеть его, и мышляшьта, како ему изити из града въ дальняя страны и оттолЂ искати царства. И въвЂденъ бысть въ корабль, и въсаженъ бысть въ бочку, имущи 3 дна при единЂмь конци, за нимь же Исаковиць сЂдяше, а въ другомь конци вода, идеже гвоздъ: нЂлзЂ бо бяше инако изити из града; и тако изиде из ГрЂчьскЂи земли. И увЂдавъ цесарь, посла искатъ его; и начаша искати его въ мнозЂхъ мЂстЂхъ, и внидоша въ тъ корабль, идеже бя/л.65об./шеть, и вся мЂста обискаша, а из бъчькъ гвозды вынимаша, и видеше воду текущю, идоша прочь, и не обрЂтоша его. И тако изиде Исаковичь, и приде къ нЂмьчьскуму цесарю Филипови, къ зяти и къ сЂстрЂ своеи. Цесарь нЂмечьскыи посла къ папЂ въ Римъ, и тако увЂчаста, яко нЂ воевати на Цесарьградъ, нъ якоже рече Исаковиць: «всь град Костянтинь хотять моего царства ²». Такоже посадяче его на прЂстолЂ, поидете же къ Иерусалиму въ помочь; не въсхотять ли его, а ведете и опять къ мнЂ, а пакости не деите ГрЂчьскои земли. Фрязи же и вси воеводы ихъ възлюбиша злато и срЂбро, и/л.66./же мЂняшеть имъ Исаковиць, а цесарева велЂния забыша и папина: пьрвое пришьдъше въ Судъ, замкы желЂзныя разбиша, и приступивъше къ граду, огнь въвергоша 4-рь мЂстъ въ храмы. Тъгда цесарь Олькса, узьревъ пламень, не створи брани противу имъ. Призвавъ брата Исака, егоже слЂпи, посади его на прЂстолЂ, и рече: «даже еси, брат, тако створилъ, прости мене, а се твое царство»; избЂжа из града. И пожьженъ бысть град и церкви несказьны лЂпотою, имъ же не можемъ числа съповЂдати; и святое Софие притворъ погорЂ, идеже патриарси вси написани, и подрумье и /л.66об./ до моря; а семо по Цесаревъ затворъ и до Суда погорЂ. И тъгда погна Исаковиць по цесари ОлексЂ съ Фрягы, и не постиже его и възвратися въ град, и съгка отця съ прЂстола, а самъ цесаремъ ста: «ты еси слепъ, како можеши царство дьржати, азъ есмь цесарь». Тъгда Исакъ цесарь, много съжаливъси о градЂ и о царст†своемь и о граблении манастырьскыхъ, еже даяста Фрягомъ злата и срЂбро, посуленое имъ, разболЂвъся, и бысть мнихъ, и отъиде свЂта сего.

 ¹ В рукописи по описке можа; испр. по КА ²—² В К бысть снемъ ³ Буква ъ неясна.  ⁴ В рукописи от

По Исако†же смерти людие на сына его въсташа про зажьжение градьное и за пограбление манастырьское; и събрачеся чернь, и волочаху добрые мужи ¹, ду/л.67./мающе с ними, кого цесаря поставять. И вси хотяху Радиноса; онъ же не хотяше царства, нъ кръяшеся от нихъ, измЂнивъся въ чьрны ризы; жену же его, имъше, приведоша въ святую Софию и много нудиша ю: «повЂжь намъ: кде есть муж твои»; и не сказа о мужи своемь. Потомь же яша человЂка, именьмь Николу воина, и на того възложиша вЂньць бес патриарха, и ту быша ² с нимь ² въ святЂи Софии 6 днии и 6 ночии. Цесарь же Исаковиць бяшеть въ ВлахернЂ, и хотяше въвести Фрягы отаи бояръ въ град; бояре же, увЂдавъше, утолиша цесаря, не даша ему напустити Фрягъ, рекуче: «мы с тобою есмь». /л.67об./ Тъгда ³ бояре, убоявъшеся въвЂдения Фрягъ, съдумавъше съ Мюрчюфломь, яша цесаря Исаковиця, а на Мюрчюфла вЂньчь възложиша; а Мюрчюфла бяше высадилъ ис тьмьнице Исаковиць, и приялъ извЂщение, яко не искати подъ Исаковицемь царства, нъ блюсти подъ нимь. Мюрчюфлъ же посла къ НиколЂ и къ людьмъ въ святую Софию: «язъ ялъ ворога вашего Исаковиця, язъ вашь цесарь; а НиколЂ даю пьрвыи въ боярехъ, сложи съ себе вЂньць». И вси людие не даша ему сложити вЂньця, нъ боле закляшася: кто отступить от Николы, да будеть проклятъ. Того же дне, дождавъше ночи, разбЂгошася вси, а Николу я/л.68./ша, и жену его я Мюрчюфлъ, и въсади я въ тьмницю, и Ольксу Исаковиця утвьрди въ стЂнехъ, а самъ цесаремь ста Мюрчюфлъ феуларя въ 5 день, надЂяся избити Фрягы. Фрязи же уведавъше ята Исаковиця, воеваша волость около города, просяче у Мюрчюфла: «даи намъ Исаковиця, ото ⁴ поидемъ къ НЂмечьскуму цесарю, отнележе есме послани: а тобе царство его». Мурчюфлъ же и вси бояре не даша его жива, и уморивъше Исаковиця, и рекоша Фрягомъ: «умьрлъ есть; придете и видите и». Тъгда же Фрязи печяльни бывъше за прЂслушание свое: не тако бо бЂ казалъ имъ цесарь нЂмЂ/л.68об./чьскыи и папа римьскыи, якоже си зло учиниша Цесарюграду; сами к собе вси: «оже намъ нЂту Исаковиця, с нимь же есме пришли, да луче ны есть умрети у Цесаряграда, нежели съ срамомь отъити»; оттоль начаша строити брань къ граду. И замыслиша, якоже и прЂже, на кораблихъ раями на шьглахъ, на иныхъ же кораблихъ исъциниша порокы и лЂствиця, а на инЂхъ замыслиша съвЂшивати бъчькы чересъ град, накладены смолины, и лучины зажьгъше, пустиша на хоромы, якоже и прЂже пожьгоша градъ. И приступиша къ граду априля въ 9 день, въ пятъкъ 5 недЂли поста, и не успЂша ничьтоже граду; нъ Фрягъ и/л.69./збиша близъ 100 муж.

 ¹ О монастыре Спаса Евергета по Испигасе см. Путешествие новгор. архиеп. Антония в Царьград в конце 12-го столетия, изд. П. Савваитова, СПб., 1872 г., прим. 151 и 12.

 ² В рукописи нихъхъ

 ³ В строке пути и над строкой под дугой буква с

 ⁴ В К великаго

 ⁵ В К угониша

 ⁶ В рукописи тягло, вероятно, по описке; в К тябло

И стояша ту Фрязи 3 дни; и въ понедЂльник верьбнои недЂли пристугшша къ граду, солнчю въсходящю, противу святому Спасу, зовемыи Вергетисъ, противу Испигасу, сташа же и до Лахерны ¹. Приступиша же на 40 корабль въ великыхъ; бяху же изременани межи ими, въ нихъ ² же людье на конихъ, одени въ бръне и коне ихъ; инии же корабле ихъ и галЂе ихъ стояху назаде, боящеся зажажения, якоже и прЂже бяхуть Грьци пустили на не 10 кораблевъ съ огньмь; и въ пряхъ извеременивъше погодъе вЂтра, на Василиевъ день полуноци, и не успеша ничтоже фрязьскымъ кораблемъ: вЂсть бо имъ бяше далъ И/л.69об./саковиць, а Грькомъ повеле пустити ³ на корабле на не; тЂмь же и не погорЂша Фрязи. И тако бысть възятие Цесаряграда велико ⁴: и привлеце корабль къ стенЂ градьнЂи вЂтръ, и быша скалы ихъ великыя чрЂсъ град, а нижьнее скалы равно забороломъ; и бьяхуть съ высокыхъ скалъ на градЂ Грькы и Варягы камениемь и стрЂлами и сулицами, а съ нижьнихъ на град сълЂзоша; и тако възяша град. Цесарь же Мюрчюфолъ крЂпляше бояры и все люди, хотя ту брань створити съ Фрягы, и не послушаша его: побЂгоша от него вси. Цесарь же побеже от нихъ, и угони ⁵ е на Коньнемь търгу, и многа жалова на бояры и на все люди. Тъгда же цесарь избеже изъ /л.70./ града, и патриархъ и вси бояре; и внидоша въ град Фрязи вси, априля въ 12 день, на святого Василия исповЂдника, въ понедЂльник, и сташа на мЂсте, идеже стояше цесарь Грьчьскыи, у святого Спаса, и ту сташа и на ночь. Заутра же, солнчю въсходящю, вънидоша въ святую Софию, и одьраша двьри и расЂкоша, а онболъ окованъ бяше всь сребромь, и столпы сребрьные 12, а 4 кивотьныя, и тябло  ⁸ исЂкоша, и 12 креста, иже надъ олтаремь бяху, межи ими шишкы, яко дрЂва вышьша муж, и прЂграды олтарьныя межи стълпы, а то все сребрьно; и тряпезу чюдьную одьраша драгыи камень и велии жьньчюгъ, а саму /л.70об./ невЂдомо камо ю дЂша; и 40 кубъковъ великыхъ, иже бяху прЂдъ олтаремь, и понекадЂла и свЂтилна сребрьная, яко не можемъ числа повЂдати, съ праздьничьными съсуды бесцЂньными поимаша; служебьное еуангелие и хресты честьныя, иконы бесцЂныя все одраша; и подъ тряпезою кръвъ наидоша 40 кадие чистаго злата; а на полатЂхъ и въ стЂнахъ и въ съсудохранильници невЂде колико злата и сребра, яко нету числа, и бесцЂньныхъ съсудъ. То же всЂ въ единои Софии сказахъ; а святую Богородицю, иже въ ВлахЂрнЂ, идеже святыи духъ съхожаше на вся пятницЂ, и ту одраша; инЂ/л.71./хъ же церквии не можеть человЂкъ сказати, яко бещисла. Дигитрию же чюдьную, иже по граду хожаше, святую богородицю, съблюде ю богъ добрыми людьми, и ныне есть, на нюже надЂемъся; иные церкви въ градЂ и вънЂ града, и манастыри въ градЂ и вънЂ града, пограбиша все, имъ же не можемъ числа, ни красоты ихъ сказати.

 ¹ Можно прочесть также 1 Икондофъ

 ² В т. III ПСРЛ на стр. 29 сделано следующее примечание: «Здесь исчислены три главные предводителя рати крестоносцев: Фландрский граф Болдуин, Монфератский маркиз Вонифатий и Венецианский дож Дандоло. «Икондофъ Офланъдръ, Кондофларендъ» и проч. происходят от conto di Flandria, comte de Flandre; «маркосъ»— от marchio, marchisus (по Дюканжу marcae vel marchae, seu provinciae praefectu(s); «дужъ» от dux. В рукописных Хронографах (Синод. библ. № 151 и 342) встречаются: «Болдовин отъ Филандрии, Филандринъ и Фляндер» и «Вонифатий маркесъ». «Дедрикъ», вероятно, есть Феодорик Готский».

 ³ Можно прочесть также Судъ

Черньче же и чернице и попы облупиша, и нЂколико ихъ избиша; Грькы же и Варягы изгнаша изъ града, иже бяхуть остали. Се же имена воеводамъ ихъ: 1 Маркосъ от Рима, въ градЂ Бьрне, идеже бе жилъ поганыи злыи Дедрикъ; а 2-и Кондофъ ¹ Офланъдръ; а 3 Дужь слепыи от /л.71об./ Маркова острова Венедикъ ². Сего Дужа слЂпилъ Мануилъ цесарь; мнози бо философи моляхуться чесареви: аще сего Дужа отпустиши съдрава, тъ много зла створить твоему царству; царь же не хотя его убити, повелЂ очи ему слЂпити стькломь, и быста очи ему яко невреженЂ, нъ не видяше ничего же. Сь же Дужь много брании замышляше на град, и вси его послушаху, и корабли его велиции бяхуть, с нихъ же градъ възяша. Стоянья же Фряжьска у Цесаряграда от декабря до априля, доколо городъ възяшь. А мЂсяця маия въ 9 поставища цесаря своего Латина Кондо Фларенда своими пискупы, и власть /л.72./ собе раздЂлиша: цесареви град, а Маркосу судъ ³, а Дужеви десятина. И тако погыбе царство богохранимаго Костянтиняграда и земля Грьчьская въ свадЂ цесаревъ, еюже обладають Фрязи.