ИСТОРИЯ СССР

 

 

ВОССТАНИЕ «ЧЕРНЫХ» ЛЮДЕЙ В НОВГОРОДЕ В 1418 г.    

 

 

 

 Печатается по изданию «Новгородская летопись по Синодальному харатейному списку», издание Археографической комиссии, СПБ 1888.

 

Того же месяца1 сдеяся тако в Новегороде: научением диаволим" человек некыи Степанко, изымавше боярина Данила Ивановича Божина внука, держаще въпиаше людем: «Господо! пособите ми тако на злодеа сего». Людие же, видяще его въпль, влечахуть акы злодеа к народу, и казниша его ранами близ смерти; и сведше и 2 с веча и сринуша и с мосту. Некто же людин, Личков сын, хотяше ему добра, въсхыти его в челн; и народ възярившеся на того рыбника, дом его разграбиша. И рекомыи боярин, хотя бесчестие свое мьстити, въсхытив супостата  и нача мучити, хотя вред исцелити паче большую язву въздвиже... Слышав же народ, яко изыман бысть Степанко, начаша зво- нити вече на Ярославле дворе; и събирахуся людии множество, кричаху въпиюще по многы дни: «поедем на оного боярина, да и дом его расхытим».

 

И пришед в доспехех, с стягом, на Кузмодемиану улицу, пограбиша дом его и иных дворов много, и на Яневе улице берег пограбиша. И по грабежи том възбоявшеся Кузмодемьянци, да не горе будеть на них, отъдаша Сте- панка, пришедше к архиепископу молиша его, да пошлеть к собранию людску. Святитель же послуша молениа их, посла его с попом да с своим боярином; они же прияша его. И пакы възъярившеся, акы пиани, на иного боярина на Ивана Иевлича, на Чюдинцеве улице, и с ним много разъграбиша домов боярь- ских; нъ и манастырь святаго Николы на поле разъграбиша, рку- ще: «зде житници боярскыи».

 

И пакы, того же утра, на Люгоще улице изъграбиша дворов много, ркуще: «нам супостата суть». Такоже и на Прускую улицу приидоша, и они пакы отбишася их. И от того часа нача злоба множитися: прибегши они на свою Тръговую сторону, и реша: яко Софеискаа сторона хощеть на нас въоружитися и домы наши грабити. И начаша звонити по всему граду, и начаша людие сърыскыватися, с обою стран, акы на рать в доспесех, на мост великии; бяше же и губление: овы от стрел, овы от оружиа, беша же мертвый, яко на рати. И от грозы тоя страшныя и от възмущениа того великого въстресеся весь град и нападе страх на обе стране.

 

Слышав же владыка Симеон усобную рать промежи своими детьми, и испусти слезы из очию, и повеле предстоящим събрати събор свои ; и въшед архиепископ в церковь святыа Софиа, нача молитися с слезами, и облечеся в священныа ризы, с своим събором, и повеле крест господень и пречистыа богородица образ взята, иде на мост... И пришед святитель ста посреде мосту, и взем животворящий крест, нача благословляти обе стране; ови взирающе на честный крест плакахуся. Услышав же она страна пришествие святите- лево, и прииде посадник Феодор Тимофеевичь, с иными посад- никы и с тысячьскыми, поклонитися владыце.

 

Владыка послуша молениа их, после архимандрита Варлама, и отца своего духовнаго и протодиакона на Ярославль двор, да подадуть благословение степенному посаднику Василию Есиповичу и тысяцкому Кузме Терентьевичу, да идуть в домы своа — и разыдошася,... и бысть тишина в граде...

 

 

 

Смотрите также:

 

Бояре. Новгородское боярство. Житые люди. Купцы и черные...

Население Новгорода Великого состояло из бояр, житьих людей, купцов и черных людей.
Взаимное озлобление обеих сторон, простонародной Торговой и Софийской боярской, резко и характерно выразилось в восстании 1418 г. "Человек некий" Степанко, совсем простой, малый...

 

О восстании Новгородцев

О восстании Новгородцев в 1418 году.
И в тот же месяц случилось такое в Новгороде наущением дьявольским: человек один — Степанко — схватил боярина Данилу Ивановича, Божина внука, и, держа, кричал людям: «Да, государи мои, помогите же мне таково...

 

Самоуправление Новгорода. Новгородское Вече. Должностные...

...степенного посадника, тысячского, бояр, житых и черных людей и всего Великого Новгорода, а иногда с
Суд и казни общественные так похожи на народные восстания, что в летописных сказаниях не
Так в 1418 году одного боярина свергнули в воду и потом разграбили его дом.