договорная грамота Новгорода свеликим князем тверским Ярославом Ярославовичем 1270г.


 

 ИСТОРИЯ СССР

 

 

ДОГОВОРНАЯ ГРАМОТА НОВГОРОДА С ВЕЛИКИМ КНЯЗЕМ ТВЕРСКИМ ЯРОСЛАВОМ ЯРОСЛАВИЧЕМ (1270 г.)     

 

 

 

Договорные грамоты князей с Новгородом напечатаны в «Собрании государственных грамот и договоров», т. I, № 3. Здесь грамота 1270 г. перепечатывается с сокращениями.

 

Благословение от владыкы, поклон от посадника Павше, и от всех старейших, и от всех менших, и от всего Новагорода, к господину князю Ярославу. На семь, княже, целуй хрест к всему Новугороду; на цемь !-то целовали деди и отець твой Ярослав. Новгород ти держати в старине по пошлине.

Что волостий всех Новгородьскых, тех волостий, княже, не держати ти своими мужи, нъ держати мужи новгородьскыми; а дар, княже, тобе имати от тех волостий. А бес посадника ти, княже, суда не судити, ни волостий раздавати, ни грамот ти даяти: а кому волости роздаял Дмитрий с новгородци и Александр  брат твой, тех волостий тобе без вины не лишати.

 

А что ти, княже, пошло на Торож'ку и на Волоче, тивун свой дьржати на своей чясти; а Нов- городець на своей чясти. А в Бежичях тобе, княже, ни твоей княгыни, ни твоим бояром, ни твоим слугам сел не держати, ни купити, ни даром приимати, и по всей волости Новгородьскои. А се, княже, волости Новгородьскые: Волок с всеми волостьми, Торжек, Бежиче, городець Палиць, Мелечя, Шипино, Егна, Заволочье, Тре, Перемь, Югра, Вологда.

 

А в Русу ти, княже, ездити на третиюю зиму; а лете, княже, ездити на Озвадо   зЬери гонит. А в Ладогу, княже, слати, осетрьник и медовара, по грамоте отца своего Ярослава; а ту грамоту, княже, отъял еси, а та грамота, княже, дати ти назад; а в Ладогу, княже, ездити на третиее лето. А из Бежиць, княже, людий не выводити в свою волость, ни из иной волости Новгородьской; ни грамот им даяти, ни закладников приимати, ни твоей княгыни, ни бояром твоим, ни слугам твоим, ни смерда, ни купцины. А без вины ти, княже, мужа без вины не лишати волости, а грамот ти не посужати.

 

А пожне, княже, что твое и твоих мужь пошло, то твое и твоих муж; а что был отъял брат твой Александр пожне, то ти нена- добе. А что, княже, грамоты посудил еси отца своего и брата своего, а свое грамоты подаял еси на ты 4 грамоты; ты грамоты отъимати, а старые оправливати . А что, княже, брат твой Александр деял насилие на Новегороде, того ти ся отступити. А дворяном твоим, како пошло, погон 6 имати от князя по 5 кун, а от тивуна по 2 куне. А что, княже, мыт по Суждальской земли, и в твоей волости,от воза имати по 2 векши, и от людье, и от хмелна короба и от лняна. А дворяном твоим у купчев повозов не имати, разве ратной вести. А слобод ти, ни мыт на Новгородьской волости не ставити; а на Имоволозьском погосте куны ти имати и на Важаньском... А холоп или роба почнеть вадити 10 на господу, тому ти веры не яти. А на Низу , княже, новгородца не судити, ни даний ти раздавати.

 

А что, княже, тобе было гнева на посадника и на всь Новгород; то ти княже, все нелюбье отложити, и от мала и от велика не мщати ти ни судом, ни чим же: а кто почнеть вадити к тобе, тому ти веры не яти. А про послы, княже, про купче новгородьскые, что в Костроме и по иным городом, то исправив, пусти в Новгород с товаром. А в Немецком дворе тобе торговати нашею братиею, а двора ти не затваряти, а приставов ти не приставливати. А про полон, кто кде заточен, или человек, или конь русьскый и новгородьскый, то исправи. А село святой Софии исправи к святой Софии. А до владыкы, отча нашего, гнева ти не держати. На томь, господине, на всемь крест целуй к всему Новугороду. А гости нашему гостити по Суждальской земли, без рубежа, по Цареве 12 грамоте. А судье слати на Петров день, тако пошло. А вывода ти, княже, межи Суждальскою землею и Новымгородом не чинити. А что закладников за Гюргом 13 на Торожку, или за тобою, или за княгынею, или за мужи твоими, что купець, тот в сто, а кто смерд, а тот потягнеть в свой погост: тако пошло в Новегороде; отпусти всих проць.

 

 

 

Смотрите также:

 

Новгородские князья. Договоры Новгорода с князьями.

Ограничены были и права князя в отношении торговли. Князь обязывался в договорных грамотах пускать в свою отчину новгородских купцов «гостить без рубежа», без задержки.
3. Великий князь Ярослав Ярославич 1263-1272.

 

Древнейшая грамота Новгородская. Брак Ярославов.

Великий Князь Ярослав Ярославич. Годы 1263-1272. Древнейшая грамота Новогородская.
[1265 г.] Ярослав, клятвенно утвердив договор, приехал в Новгород, где, будучи вдов, женился на Ксении, дочери какого-то Юрия Михайловича.

 

Новгород Великий - стороны и концы, пятины и волости.

Первые договорные грамоты, в которых излагались политические льготы Новгорода, дошли до нас от второй половины XIII в. Их три: они содержат в себе условия, на которых правил Новгородской землей Ярослав Ярославич тверской.

 

Ярослав 3 Третий Ярославич

200. ЯРОСЛАВ 3 ЯРОСЛАВИЧ, в св. крещении Афанасий. первый князь тверской, потом великий князь владимирский.
не успел вовлечь Новгород в войну с Псковом за принятие последним к себе в князья литвина Довмонта, в 1267 г.; сборами к войне так напугал немцев...