изгнание князя Ярослава из Новгорода - текст на древнерусском языке


 

 ИСТОРИЯ СССР

 

 

ИЗГНАНИЕ КНЯЗЯ ЯРОСЛАВА   

 

 

 

IV.       Того же лета 12 бысть мятеж в Новегороде, начала изгоните князя Ярослава 13 из города, и съзвониша вече на Ярославли дворе, и. убиша Иванка, а инии вбегоша в Николу святыи; а заутра побегоша к князю на Городище тысячьскыи Ратибор, Таврило Кыянинов и инии приятели его, и взяша домы их на разграбление и хоромы разнесоша. А к князю послашя на Городище, исписавше на грамоту всю вину его: чему если отъял Волхов го- голными ловци, а поле отъял еси заячими ловци? чему взял еси Олексин двор Морткинича? чему поймал еси серебро на Микифоре Манускиничи, и на Романе Болдыжевичи, и на Варфоломеи? а иное: чему выводишь от нас иноземца, который у нас живут? а того много вины его; а ныне, княже, не можем терпети твоего насилия, поеди от нас, а мы собе князя промыслим. Князь же приела на вече Святъслава и Андрея Воротиславича с поклоном: того всего лишюся, а крест целую на всей воли вашей. Новго- родци же отвечаша: княже, поеди проче, не хотим тебе; али идем всь Новъгород прогонить тебе. Князь же поиде из города по неволи...

 

Новгородцы же послаша по Дмитрия Александровича ; Дмитрии же отречеся, тако река: «Не хочю взяти стола перед стрыем  своим». И быша новгородци печальни; а Ярослав нача полкы копити на Новъгород, и бе послал к царю Татарьску Ратибора, помочи прося на Новъгород. И се учюв князь Василии Ярославич , приела послы в Новъгород, река тако: «Кланяюся святой Софьи и мужем Новгородцем; слышал еемь, аже Ярослав идеть на Новъгород, со всею силою своею, Дмитрии с переяславци и Глеб с смолняны; жаль ми своея отчины».

 

 А сам поеха в татары, пойма с собою Петрила Рычага и Михаила Пинещинича, и възврати татарьскую рать, тако рек цареви: «Новгородци прави, а Ярослав виноват»; уже бо бяше царь отпустил рать на Новъгород, по Ратиборову лживому слову; рече бо Ратибор царю: «Новгородци тебя не слушают, мы дани прощали тобе, и они нас выгнали, а инех избили, а домы наша роз- грабили, а Ярослава безчьствовали».

 

Новгородци же поставиша острог  около города, по обе стране, а товар въвозиша в город; и пригониша сторожи Ярославли мало не до Городища  , и вы идоша всь град в оружии от мала до велика к Городищю, и стояша два дни пеши за Жилотугом  , а коневници за Городищем. То уведав Ярослав поиде об ону сторону к Русе , и седе в Русе, а в Новгород приела Творимира: «Всего, что вашего нелю- бия до мене, того лишаюся; а князи вси за мене поручатся».

 

Новгородци же послаша к нему Лазоря Моисиевича: «Княже, сдумал еси на святую Софью; поеди, ать изъмрем честно за святую Софию ; у нас княЗя нетуть, но dor й правда й святай Софья, а тебе не хочем». И совкупися в Новъгород вся волость Новгородьская, пльсковичи, ладожане, корела, ижера, вожане, и идоша в Голино от мала и до велика, и стояша неделю на броде, а Ярославль полк об ону сторону. И приела митрополит грамоту в Новъгород, река тако: «Мне поручил бог архиеписко- пию в Русской земли, вам слушати бога и мене, кръви не проливайте, а Ярослав всей злобы лишается, а за то яз поручаюся». И приела Ярослав с поклоном в Новгородскыи полк, и взяша мир на всей воли Новгородьской, и посадиша Ярослава, и водиша и к кресту.

 

 

 

Смотрите также:

 

Набег Половцев. Изгнание Ярослава Черниговского.

Великий Князь Мстислав. Г. 1125-1132. Набег Половцев. Изгнание Ярослава Черниговского. Начало особенных. Княжений, Муромского и Рязанского.

 

Подвиги Мстислава. Строгость Ярославова. Голод в Новгороде.

Г. 1212-1216. Междоусобие. Изгнание Мономахова дому из южной России. Благоразумие.
Георгий, Ярослав и Князья Муромские, действуя заодно, вооружили самых.

 

КИЕВСКАЯ РУСЬ. Закон князя Ярослава Мудрого. Князья Борис...

По ряду (закону) Ярослава Мудрого после смерти великого князя наследником.
соседи, не принимали жить в работать другие общины, не интересуясь. причинами изгнания.