![]() |
ЛЕДОВОЕ ПОБОИЩЕ
|
|
И поиде с братом Андреем и с Новогородци и с Низовци на Немецкую землю в силе велице, да не хвалятся, рекуще: «укорим Словеньский язык, нежели себе». Уже бо бяшеть взят град Псков, и тиуни их посаждени в граде. Великий же князь Александр зая все пути до Пскова и изгони град, и изъима немци и чюдь и наместники немецкиа, и сковав поточи в Новъгород, а град Псков свободи от плена, а землю Немецкую повоева и пожже, и полона много взя, иныя изсече.
Они же гордии сьвокупишася, рекуще: «Пойдем на Александра и победивше руками имеем его». И егда же приближишася, тогда почюдившеся стражие великого князя Александра силе немедцкои и ужасошася...
Князь же великии Александр помолився в церкви святыя Троица, и поиде на землю Немедцкую, хотя мстити кровь христианскую. Бе бо зима в то время, и якоже бысть на земли их, пусти вся полкы в зажитиа, а Домашь Твердиславичь и Кербет быша в розгоне; и убиша ту Домаша, брата посадничя, мужа добра, и иных много избиша с ним, а иных руками яша, а иные прибегоша к великому князю в полкы. Се же слышав местерь изыде противу их с всеми бискупы своими, К с всем множьством языка их, власти их, что ни есть на сеи стороне, и с помочью королевою; и снидоша на озеро, глаголемое Чюдское.
Великии же князь Александр въспятися назад. Немци же и чюдь поидоша по нем. Князь же великии постави полкы на озере Чюдском на Узмени у Ворониа камени, укрепився силою крестною и ополчився, поиде противу их. На- ступиша же озеро Чюдское; бысть же обоих множество вельми.
Бе же ту с Александром и брат его Андреи с множеством вой отца своего и бысть у Александра множество храбрых, сильных и крепкых, и исполнишася вси духа ратнаго, беху же сердца их, акы лвом. Ркоша же: «Княже, се ныне приспе время положити главы свои за тя»... Бе же тогда день суботныи, въсходящу солнцу, и съступи- шася обои полци. И немци и чюдь пробишася свиньей сквозе полкы. И бысть ту сеча зла и велика немцем и чюди, и бе труск от копий ломлениа, и звук от мечнаго сечениа, якоже озеру помръзшу двигнутися, и не бе видети леду, покры бо ся кровию. Слышах же и се от самовидца, бывшаго тогда тамо...
И дата ратнии плещи свои и сечяхуть их гонящи, яко по аеру, и не бе им камо утечи; и бита их на 7 верст по леду, до Суболичского берега, и паде немець 500, а чюди бесчисленное множество, а руками яша немець 50 нарочитых воевод и приве- доша я в1 Новъгород, а инии на озере истопоша, уже бо весна бе, а инии зле язвени отбегоша. Бысть же бои сеи Апреля в 5...
|
|
Смотрите также:
Войны с литовцами и ливонскими немцами.— Поход 1262 года....
Ледовое побоище еще у всех было свежо в памяти. Собравшись с силами, они бодро выступили из города и бросились на неприятелей.
ХАН БАТЫЙ И КНЯЗЬ АЛЕКСАНДР НЕВСКИЙ. Князь Александр...
которого новгородский князь был хорошо знаком еще со времен Ледового. побоища. Нужно отдать должное Александру Ярославичу: он великолепно.
Битва при Раковоре. Ушкуйники - новгородское ушкуйничество
Ледовое побоище
принесло славу Александру Невскому и русскому оружию.
Не меньшее значение, чем Ледовое побоище, имела Раковорская
битва.
Кто с мечом к нам придет от меча и погибнет
И произнес он их якобы в назидание послам Ливонского ордена, которые после Ледового побоища (летом 1242 г.) прибыли к нему в Великий Новгород просить «вечного мира».