ИСТОРИЯ СССР

 

 

ВЗЯТИЕ КИЕВА ТАТАРАМИ (древний текст)

 

 

 

Того же лета   прииде царь Батый ко граду Киеву, со многими воинствы, и окружи град, и обседе его сила татарская, и бе невозможно никому же из града изыти и во град внити, и не бе слы- шати во граде друг к другу глаголюща в скрыпании телег, и ре- вении вельблюд, и во гласе труб и арганов, и от рзаниа стад коньских, и от кличя и вопля многих и безчисленных человек, и бе исполнена вся земля татар. Яша же тогда киане татарина именем Таврула, и той сказа всех князей сущих с ним великих, и силу его безчислену; а сии бяху его братиа велиции и силнии воеводы его: Урдюй, Байдар, Бирюй, Кайдар, Бечар, Менгай, Каилуг, Куюк; сей же убо возвратися вспять, уведев смерть канову. Кан же бысть не от роду Батыева, но пръвый бе и великий воевода его, и проплакав о нем царь Батый, зане бысть любим ему зело.

 

Инии же бе воеводы его и велиции князи: Бутар, Айдар, Килемет, Бурандай, Батырь, иже взя Болгарскую землю и Суздальскую, и иных многое множество без числа воевод. Постави же Батый пороки многи ко граду Киеву подле врата Летцкая, ту бо бе пришли дебри. Многим же пороком биющим, без престани день и нощ, гражаном же с ними борющимся крепко, и быша мертвии мнози, и лиашеся кровь аки вода, и посла Батый в Киев к гражаном, глаголя сице: «Аще покорите ми ся, будеть вам милость; аще ли противитеся, много страдавше, зле погибнете»; гражаном же никакоже послушающим его, но и злословящим и проклинающим его.

 

Батый же разгневася зело, и повеле с великою яростью приступати ко граду. И тако многими пороки выбиша градныя стены, и внидоша во град, и гражане противу их устреми- шася; и ту бе видети и слышати страшно лом копейный, и скепание щитов, и сътрелы омрачиша свет, яко не бе видети неба в стрелах, но бысть тма от множества стрел татарских, и всюду лежаша мертвии, и всюду течяше кровь аки вода, и много язвен бе воевода Дмитр, и силнии мнози падоши.

 

И побежени быша гражане, и взыдоша татарове на стены, и от многаго томлениа седоша на стенах градных, и бысть нощ, и гражане той нощи создаша другий град около церкви святыя богородици. Наутрие же приидоша на них татарове, и бысть сечя зла, и изнемогаша людие, и возбегоша на комары   церковныа с товары своими, и от тягости повалишася стены церковныа, и взяша татарове град Киев, месяца декабря в 6 день, на память святаго чюдотворца Николы. Дмитра же воеводу приведоша к Батыю язвена, и не повеле его Батый убити мужества его ради, и начя Батый пытати о князе Даниле, и поведаша ему яко бежал есть во Угры .

Батый же посади в граде Киеве воеводу своего, а сам иде к Володимерю в Волынь.

 

 

 

Смотрите также:

 

ИСТОРИК СОЛОВЬЕВ. XII. Нашествие татар.

Нашествие татар. В степях на северо-запад от Китая жили издавна два кочевых народа
Князья съехались в Киев на совет. и решили идти навстречу татарам.

 

Мировое положение России.— Восток и азиатские варвары....

Ужасны были неистовства татар при взятии Рязани.
Зимою 1240 года татары взяли и разорили Киев. Казалось, сила татарская не уменьшалась от бесчисленных битв.

 

Иго Золотой Орды. Татаро-монгольское нашествие...

После взятия Рязани татаро-монгольские войска двинулись к Коломне.
Однако при этом последних они именовали "белыми татарами", т.е. более культурными, причастными к плодам...