ХРЕСТОМАТИЯ ПО ИСТОРИИ СССР

РАСПАД КИЕВСКОГО ГОСУДАРСТВА (XI-XII ВЕКА)

 КИЕВСКОЕ ВОССТАНИЕ 1068 г.              

Из «Повести временных лет по Лаврентьевскому списку», СПБ 1910.

В лето 6576 К Придоша иноплеменьници на Русьску землю, половьци мнози, Изяслав же, и Святослав и Всеволод2 изидоша противу им на Льто 3; и бывши нощи, подъидоша противу собе, грех же ради наших пусти бог на ны поганыя, и побегоша Русьскыи князи, и-победита половьци...

Изяславу же со Всеволодом Кыеву побегшю, а Святославу Чернигову, и людье кыевстии прибегоша Кыеву, и створиша вече на торговищи4, и реша, пославшеся ко князю: «се половци росулися5 по земли; дай, княже, оружье и кони, и еще бьемся с ними».

Изяслав же сего не послуша. И начаша людие говорити на воеводу на Коснячька; идоша на гору6 с веча и придоша на двор Коснячков, и не обретше его, сташа у двора Брячиславля и реша: «пойдем, высадим дружину свою ис погреба» И разде- лишася надвое; половина их иде к погребу, а половина их иде по мосту; си же придоша на княжь двор. Изяславу же седящю на сенех с дружиною своею, начаша претися со князем. Стояще доле, князю же из оконця зрящю и дружине стоящи у князя, рече Тукы брат Чюдинь, Изяславу: «видиши, княже, людье възвыли; поели ать Всеслава  блюдуть п».

И се ему глаголющю, другая половина людий приде от погреба, отворивше погреб; и рекоша дружина князю: «се зло есть; поели ко Всеславу, ат призвавше лестью ко оконцю, пронзуть и мечемь». И не послуша сего князь. Людье же кликнуша, и идоша к порубу Bcie- славлю; Изяслав же се видев, со Всеволодом побегоста з двора, людье же высекоша Всеслава ис поруба, в 15 день семтября и поставиша и среде двора къняжа; двор ж княжь разграбиша, бещисленое множьство злата и сребра, кунами и белью . Изяслав же бежа в ляхы ... Всеслав же седе Кыеве...

В лето 6577 . Поиде Изяслав с Болеславомь  на Всеслава, Всеслав же поиде противу; и приде Белугороду  Всеслав, и бывши нощи, утиавъея кыян бежа из Белагорода Полотьску .

Заутра же видевше людье князя бежавша, възвратишася Кые- ву, и створиша вече послашася к Святославу и к Всеволоду, глаголюще: «мы уже зло створили есмы, князя своего прогнав- ше, а се ведеть на ны Лядьскую землю, а поидета в град огца своего; аще ли не хочета, то нам неволя: зажегше град свой, ступим в гречьску землю».

И рече им Святослав: «ве послеве  к брату своему: аще поидеть на вы с ляхы губити вас, то ве противу ему ратью, не даве бо погубите града отца своего; аще ли хощеть с миромь, то в мале придеть дружине». И утешиста кыяны. Святослав же и Всеволод посласта к Изяславу, глаго- люща: «Всеслав ти бежал, а не води ляхов Кыеву, противна бо ти нету; аще ли хощеши гнев имети и погубити град, то веси, яко нама жаль отня стола». То слышав Изяслав, остави ляхы и поиде с Болеславом, мало ляхов поим; посла же пред собою сына своего Мьстислава Кыеву. И пришед Мьстислав, исече кияны, иже беша высекли Всеслава, числом 70 чади, и другыя слепиша, другыя же без вины погуби, не испытав. Изяславу же идущю к граду, изидоша людье противу с поклоном, и прияша князь свой кыяне, и седе Изяслав на столе своемь, месяца мая в 2 день.

И распуща ляхы на покорм, избиваху ляхы отай; възвратися в Ляхы Болеслав, в землю свою. Изяслав же възгна торг на гору, и прогнав Всеслава ис Полотьска, посади сына своего Мьстислава Полотьске...