ХРЕСТОМАТИЯ ПО ИСТОРИИ СССР

 

 

ПОХОД ОЛЕГА НА ЦАРЬГРАД И ДОГОВОР С ГРЕКАМИ          

 

 

 

 

Из «Повести временных лет по Лаврентьевскому списку, СПБ 1910.

 

В лето 64153. Иде Олег на грекы, Игоря оставив Киеве; поя же множество варяг, и словен, и чюдь, и кривичи, и мерю, и деревляны, и радимичи, и поляны, и северо, и вятичи, и хорваты, и дулебы, и тиверцы, яже суть толковины: си вси звахуться от грек Великая Скуфь. И с сими со всеми поиде Олег на конех и на кораблех, и бе числом кораблей 2000, и прииде к Царюграду; и греци замкоша Суд  а град затвориша.

 

 И выиде Олег на брег, и воевати нача, и много убийство сотвори около града греком, и разбита многы полаты, и пожгоша церкви; а их же имаху пленникы, овех посекаху, другиа же мучаху, иныя же растреляху, а другыя в море вметаху, и ина много зла творяху Русь греком, еликоже ратнии творять. И повеле Олег воем своим колеса изделати и воставити на колеса корабля, и бывшю покосну ветру, въспяша парусы с поля, и идяше к граду. И ви- девше греци и убояшася, и реша выславше ко Олгови: «не по- губляй града, имем ся  по дань, якоже хощеши». И устави Олег воя, и выиесоша ему брашно и вино, и не приа его; бе бо устроено со отравою. И убояшася греци, и реша: «несть се Олег, но святый Дмитрей, послан на ны от бога».

 

И заповеда Олегу дань даяти на 2000 корабль, по 12 гривен   на человек, а в корабли по 40 мужь; и яшася греци по се, и почаша греци мира просити, дабы не воевал Грецкые земли. Олег же мало отступив от града, нача мир творити со царьма Грецкима, со Леоном   и Александром, посла к нима в град Карла, Фарлофа, Вельмуда, Рулава и Стемида, глаголя: «имите ми ся по дань». И реша греци: «чего хощеши, дамы ти». И заповеда Олег дати воем на 2000 корабль по 12 гривен на ключь, и потом даяти уклады на Рускыа грады: первое на Киев, таже на Чернигов, и на Переаславль, и на Полтеск , и на Ростов, и на Любечь и на прочаа городы, по тем бо городом седяху велиции князи, под Олгом суще; «да приходячи Русь слюбное емлють, елико хотячи, а иже придут гости, да емлють месячину на 6 месяць, хлеб, и вино, и мясо, и рыбы, и овощь; и да творять им мовь, елико хотять; поидучи же домовь, в Русь, да емлють у царя нашего на путь брашно, и якори и ужа  и парусы, и елико им надобе».

 

 И яшася греци, и реста царя и боярьство все: «аще приидуть Русь бес купли, да не взи- мають месячины; да запретить князь словом своим приходящим Руси зде, да не творять пакости в селех в стране нашей; при- ходяще Русь да витають у святого Мамы , и послеть царьство наше, и да испишють имена их, и тогда возмуть месячное свое, — первое от города Киева, и паки ис Чернигова и ис Переаславля, и прочии гради; и да входять в град одними вороты со царевым мужем, без оружья, мужь 50 и да творять куплю, якоже им надобе, не платяче мыта ни в чем же». Царь же Леон со Олександром мир сотвориста со Олгом, имшеся по дань и роте9 за- ходивше межы собою, целсвавше сами крест, а Олга водивше на роту, и мужи его по Рускому закону кляшася оружьем своим, и Перуном, богом своим, и Волосом, скотьем богом, и утвердиша мир. И рече Олег: «исшийте парусы паволочиты Руси, а словеном кропиньныя», и бысть тако; и повеси щит свой в вратех, показуа победу, и поиде от Царяграда.

 

И воспиша Русь парусы паволочиты, а словене кропиньны, и раздра а ветр: и реша словени: «имемся своим толстинам, не даны суть словеном пре паволочиты». И приде Олег к Киеву, неся злато, и паволоки, и овощи, и вина, и всякое узорочье. И прозваша Олега вещий...

 

 

 

Смотрите также:

 

Второй поход на Константинополь. Князь Олег и договоры...

...Легенда, выдумка, компиляция летописца — вот какими словами оценивались известия о походе Олега на греков в 907 году. А раз поход является легендой, фольклором, то о каких реальных договорах может быть речь?

 

князь Олег. Олег идет на Царьград. Мир с Греками. Договор...

Россияне служат. в Греции. Олег идет на Царьград. Мир с Греками. Договор с Империею.
Так Нестор описывает счастливый и славный поход, коим Олег увенчал свои. дела воинские. Греческие Историки молчат о сем важном случае; но когда.

 

РУСЬ. Поход на Константинополь. Славяне, русы, Византия

Аскольда на Царьград на 47 лет (с 860 г. на 907 г.) и вообще приписание. похода Олегу. Так подвиги древнего руса в войне с Византией оказались.
Константинополь состоялся еще в 860 г. Тогда греки встретили врага иконой.