Хрестоматия по истории

О СЛУЖБЕ ВСЯКИХ РАТНЫХ ЛЮДЕЙ МОСКОВСКОГО ГОСУДАРСТВА  

О СЛУЖБЕ ВСЯКИХ РАТНЫХ ЛЮДЕЙ

1.         А в которых местех в то время ратным людем на государеве службе быти, и на которой срок им на государеву службу приехати, и о том посылати в городы к воеводам и к приказным людям государеву грамоты, и велети ратных людей на государеву службу в указные места высылати безо всякого мотчания.

2.          А ратным людем идучи на государеву службу, на дороге и на станех никаким людем никакова насильства и убытка не чинити, своих и конских кормов ни у кого безденежно не имати.

3.         А будет ис тех ратных людей лучится кому что купити себе и лошадям корму, и они бы те кормы у всяких людей покупали прямою ценою; а в полях бы хлеба и в запертых лугах сенных покосов не травили, чтобы однолично от ратных людей никому нигде никакова насильства не было.

6.         А будет которые ратные люди, идучи на государеву службу, учнут каким людем насильство чинити, а по суду сыщется про то допряма: и тем людем наказание чинити смотря по вине, и убытки доправити, и отдати тем людем, кто чем изобижен.

7.         А будет которые люди учнут ратным людем продавати людские и конские кормы дорогою ценою: и тем людем по суду и по сыску, по тому же наказание чинити, а лишнее взятое отдавати.

10. Да и бояром и воеводам без государева указу ратных людей с государевы службы не роспущати, и посулов и поминков не имати.

17. А будет которые служилые люди учнут государю бити челом, что им за старостию, или за увечьем, или за болезнию на государеву службу итти не мочно, и в их бы место велел государь быти на своей государеве службе детем их и братии и племянником и внучатом беспоместным, которые в государеву службу поспели, а государевы службы не служат, и ни в какие чины не написаны: и тех челобитчиков, на Москве и в городех, осматривати. Да будет по осмотру тем служилым людем на государеве службе впрям за старостию, или за увечьем, или за болезнью быти не мочно: и тем служилым людем в свое место, на государеву службу велети посылати со всею своею службою и с запасы детей своих и братию и племянников и внучат беспоместных, которые в государеву службу поспели, в восьмьнатцать лет, а никакия государевы службы не служат, и ни в какие чины не написаны; а меныыи осминатцати лет никого им на службу в свое место не посылати. А будет у них таких детей и братей и племянников и внучат не будет, а самым им ни которыми делы на государеве службе за болезнию или за старостию быти немочно: и у них взяти на государеву службу даточных людей, или деньги, смотря по их поместьям и вотчинам и по прожитком,

18.       А будет которые служилые люди учнут бити челом государю, чтобы им на государеве службе не быти, и скажутся стары и увечны, или больны, а по осмотру на государеве службе им быти мощно: и таких на государеву службу высылати самих.

19.       А будет которой служилой человек, будучи на государеве службе, з бою збежит к себе в дом, а воеводы на него о том отпишут к государю: и у таких за тот побег ис поместных их и из денежных окладов убавити половина; да у них же ис поместей их взяти на государя половину же, да им же за то чинити наказание, бити кнутом нещадно.

20.       А будет кто, будучи на государеве службе в полкех, учнет изменою ис полков переезжати в неприятельские полки, и в неприятельских полкех сказывати про вести и про государевых ратных людей, и в том на него кто известит, и сыщется про то до пряма: и такова переезщика казнити смертию, повесити против неприятельских полков, а поместья его и вотчины и животы взяти на государя.