Хрестоматия по истории

 

 

КАК ИЗБНАЯ ПОРЯДНЯ УСТРОИТИ ХОРОШО И ЧИСТО

 

 

 

Стол и блюда, и ставцы и лошки, и всякие суды и ковши, и братены, воды согрев из утра, перемыти и вытерьти и высушить; а после обеда, такоже, и вечере. А ведра, и ночвы, и квашни, и корыта, и сита, и решета, и горшки, и кувшины, и корчаги — та кож всегды вымыти, и выскресть, и вытереть, и высушить, и положить в чистом месте, где будет пригоже быти; всегда бь всякие суды и всякая порядня, вымыто и чисто бы было; а по лавке и по двору, и по хоромам, суды не волочилися бы, а ставцы, и блюда, и братены, и ковши, и лошки по лавке не валялися бы, где устроено быти, в чистом месте лежало бы опрокинуто ниц; а в каком судне што ества или питие, — и то бы покрыто было, чистоты ради; и всякие суды, с ествою или с питием, или с водою, или квашня ростворить, — всегды бы покрыто было, а в избе и повязано, от тороканав и от всякия нечистоты.

Изба, и стены, и лавки, и скамъи, и пол, и окна, и двери, и в сенех, и на крылцы, — вымыть и вытереть и выместь и выскресть, — всегда бы было чисто; и лестницы и нижнее крылце, — все бы то было измыто, и выскребно, и вытерто и сметено; да перед нижним крыльцом сена положить: грязные ноги отирать; ино лестница не угрязнится и у сеней перед дверьми рогошка или войлок ветшаной положить, или потирало: ноги грязные отирать, чтобы мосту не грязнить.

 

В грязное погодье у нижнего крылца, сено или солома переменити, а у дверей рогозинка или войлок переменити, или потирало чистое положить, а грязное прополоскать и высушить; и опять тут же, под ноги пригодится. Ино то, у добрых людей, у порядливой жены, всегды дом чист и устроен; все по чину: и упрятано, где что пригоже, и причищено и приметено; всегды в устрой как в рай войти!

 

Всего того, и всякой порядни жена смотрила, — и учила слуг и детей добром и лихом; не имет слово, — ино ударить. И увидит муж, что не порядливо у жены и у слуг, или не по тому, о всем, что в сей памяти писано, — ино бы умел свою жену наказывати всяким разсуждением и учити. Аще внимает, и потому все творити, и любити и жаловати. Аще жена по тому научению и наказанию не живет, и так того всего не творит и сама того не знает, и слуг не учит — ино достоит мужу жена своя наказы- вати, и ползовати ...на едине; и понаказав, и пожаловати, и примолвити; и любовно наказывати и разсужати; а мужу на жену не гневатися, а жене на мужа: всёгды жнти в любви и чистосердии. И слуги, и дети тако же, посмотря по вине и по делу, наказывати, и раны возлогати: да, наказав, пожаловати; а государыни за слуг печаловатися, по разсуждению: ино служкам надежно. А только жены, или сыны или дщери, слово или наказание не имет, не слушает и не внимает и не боитца и не творит того, как муж или отец или мати учит, — ино плетью постегать, по вине смотря; а побить не перед людьми; наедине: поучити да примолъвити и пожаловати, а никако же не гневатися ни жене на мужа, ни мужу на жену. А про всяку вину: по уху, ни по видению, не бити, ни под сердце кулаком, ни пинком, ни посохом, не колоть; ни каким железным или деревянным не бить: хто с серца или с кручины так бьеть, — многи притчи от того бывают, слепота и глухота, и руку и ногу вывихнут, и перст; и главоболие и зубная болезнь... А плетью с наказанием бережно бити: и разумно и больно и страшно и здорова. А толко великая вина и кручиновата дело и за великое и за страшное ослушание и небрежение, — ино соимя рубашку плеткою вежливенько побить, за руки держа: по вине смотря; да поучив примолвити; а гнев бы не был, а люди бы того не ведали и не слыхали; жалоба о том не была.

 

А по людцкой ссоре или по оговору, без обыску, без прямого, брань и побои и гнев никако же бы не было: каково было поношение или речи недобры, или своя примета, — того наедине пы- тати, добром: истинне покается безо всякого лукавства, — мило- стивно наказать, да и пожаловати, по вине смотря; а толко не виновато дело, ино оговорщиком не попущати: ино бы вперед вражда не была, а только по вине и по обыску по прямому; а не каетца о грехе своем и о вине: то уже наказание жестоко надо- беть, — штобы был виноватой — в вине, а правой — в правде: по- клонны главы меч не сечет: а покорно слово кость ломит...

 

В ЖИТНИЦАХ И В ЗАКРОМЕХ О БЕРЕЖЕНИИ

 

А в житницах бы у ключника был бы всякий запас и всякое жита: солод и рожь, овес, пшеница не сгноено, и не накапала бы и не навьяло; не проточено от мышей и не слеглося, и не затхло бы ся. А что в бочках или в коробах: мука и всякой запас, и горох, и конопли, и греча, и толокно, и сухари, и ржаные и пшеничные, то бы было все покрыто и судно твердо и не намокло бы, и не згнило и не затхлося.

 

А всему бы тому была мера и счет: сколько чево из села или из торгу привезут, — и записати; а что весовое, то взъвесити; и колко коли отдаст, чево на расход или взаймы и на всякой обиход, или кому государь велит что дати, то все записати же. И сколко чево сделают, то бы было ведомо ж: и хлебы и колачи, и пиво, и вино, и брага, и квас, и кислые шти, и уксус, и высевъки, и отруби, и гуща всякая, и дрожжи, и хмелины, то бы было все у ключника в мере и записано, а хмель и мед и масло и соль вешено.

 

 

 

Смотрите также:

 

Домострой. Полный текст. Древнерусская литература.

...о всяком прошении и молят за царя и великаго князя имярек всея Руси самодержца, и за его
Слава свершителю Богу ныне и в век века аминь. Выверено по изданию: Домострой. СПб.

 

Домострой. Полный текст. Сильвестровская редакция

...о всяком прошении и молят за царя и великаго князя имярек всея Руси самодержца, и за его царицу и
Слава свершителю Богу ныне и в век века аминь. Домострой. СПб.: Наука, 1994.

 

Домострой

Домострой. Название памятника русской литературы XVI в. — свода житейских правил, советов и наставлений, сформированных на основе мировоззрения...