Хрестоматия по истории

 

 

ПОХОД ЕРМАКА В СИБИРЬ    

 

 

 

 «Ремезовская летопись» («Сибирские летописи», изд. Археографической комиссии, 1907, стр. 322—332).

 

35        статья. Ермаку же тогда пребывающу в Чингыде граде, внегда ж приспе путь струговой, майя в 9 день 7089 году поплыв вниз по Туре со всяким искусом неспешно, доехав до устья Туры реки, ту ожидаше б князьков Маитмаса, Каскара, Варваринны, и бишась по мнози дни.

 

36        статья. Вой же с Ермаком остася 1060 человек; и многих бусурман побиша и божиею помощью одолеша и множество имений взяша, яко стругом их не поднята, и погребоша то имение в земли на усть Туры реки.

 

37        статья. По первой брани с Кучумляны июня 8 день поплыша вниз по Тоболу реке воююще и живуще делно; доплывше до урочища Березового Яру, ту бе великий бой по многи дни; быша бусурманы ж яко овцы из гнезд своих стрекаще, казацы ж божиею помощью и явлением стратих силы господни и тех побиша.

 

38        статья. Оттоле поплыша вниз по Тоболу июня в 29 день и доплыша до урочища Караулнаго Яру; ту бе на Тоболе место уское, кучюмляне же оградиша чрез цепми железными, яко да удержат вся струги и казаков убиют; бе же тут город опасной кучюмов есаула Алышая, и ту бишась 3 дни, день и нощь, нещадне, казацы ж одолеша и цепи розломаша и проплыша с кусты таловыми.

 

39        статья. И проплыв до усть Тавды реки и стояша 5 неделю, размышляша, яко да идут с вожаками вспять по Таведе вверх и через Камень вогуличами да возвратятся.

 

40        статья. К Кучуму же весницы непрестанно возвещаша, о многом собрании казаков и о побивании своем, яко разорены кажуще сечение бердышей и палашей раны своя; Кучюм же плакашеся их и паче ярняшеся на казаков.

 

41        статья. Ермак же со единомысленниками своими, надеялся на божию помощь, поплыв вниз по Тоболу июля в 8 день и доплыв до Бабасана мурзы, и ту Ермаков ертаульный струг предний похитиша бусурманы пред ними с версту; казацы ж велми грянуша и удариша таково предивно, яко противным многим вдруг в один раз убиенным быти, овии ж вскоре разбегошась в различные места; и ту своих выручиша вскоре, невредных.

 

42        статья. Собрание же вой чюваши, казачьи орды, вогуличи, остяки и вси татарове отпустив Кучюм из города своего с сыном своим Маметкулом по Тоболу на встречю Ермаку, сам же учинив засеку под Чюваши на Иртыше реке и грады окопъми укрепив и на усть Тоболу крепкую стражу поставив.

 

43        статья. Таковая высылка с царевичем Маметкулом стретоша Ермака июля в 21 день в Бабасанах на усть озера на Тоболе, и сразишася нещадно и за руки взяшася, тако секущеся, яко конем по чрево бродити в крови их и в трупу поганском; и бишася 5 дней стояще, не пропущая стругом вниз; по сем з богом казацы одолеша и протчих прогнаша, и царевичь беже; и по явлению святителя Николы чюдотворца дерзати повеле, и поплыша вниз.

 

61 статья. Октября в 1 день изыдоша с кучюмляны на брань до засеки в стругах и ту приступиша крепце, бияхуся с самем Кучюмом, хотяще взяти Чювашский град на горе Чювашской и ту засясти на зиму, да «пребудем в сидении сохранно», яко крепок бе Чювашский град окопми. И того дни бишася, и невредимы помощию великаго бога проплыв, вспять в Атинской городок возвратишася и седоша ту.

 

63 статья. Умыслиша жь вси казацы на совершенный удар, и ее брань 4-ая с кучюмляны. Кучюму же стоящу на горе и с сыном его Маметкулом у засеки, егда жь казацы по воли божии изыдоша из города единогласно глаголюще: «С нами бог,- разумейте, языцы, и покоряйтеся, яко с нами бог». И разишася вси воедино, и бысть брань велия октября в 23 день, емлющесь за руки, секуще противныя своя. Кучюму же с горы стреляющу, казацы жъ огнем поганых множество попаляша без исцелении, убиваша; погании же, нудими Кучюмом, от казаков велми оскудеваша, плакашася неволно биющеся, умирающе.

 

64        статья. Оружия же не бе у кучюмлян, точию луки и стрелы, копия и сабли; бе же 2 пушки у чюваш: козацы ж умолвиша полк их; они же бросиша их с горы в Ыртыш. Стояше Кучюм на Чювашской горе и видев многое падение своих, — зелно плакашеся сам и вси погани, и повеле агуном и абызам   своим вопити велми кумиром2 молитву свою, спяша бо боги их; и безпомощен пребыв и безчестен, нудим невидимою божиею силою и помышля бежати; и бишася 3 дни без опочиву неотступно.

 

65        статья. Октября 24 день первее всех низовые остяки князки от кучюмова повеления и рамену отступиша и бегу яшася безвозвратно бежати во свояси, вскоре и пребывати, яко скот в диких лесах, да невидими будут человеком руским; бысть же сей их обычай и до днесь при родех наших, еже бежать и незнатным быть.

 

68        статья. Видев же Кучюм царства своего конечное лишение и разорение всем, бежав из града своего Кашлыка, еже Сибирь зовома, октября в 26 день, по явлении нощию; встав тайно и всем своим рече: «Бежим немедленно, донележе вси зле не умрем от казаков наглою смертию». И вси из града невозвратно бегоша на степ в Казачью орду на прежное свое селение; грады жь Чювашской и Кашлык, Сузгун, Бишик, Абалак и протчие, гоними невидимою божиею силою, оставиша пусты.

 

69        статья. Вечеру бывшу, 25 день, и преста подчювашская брань: казаки отъидоша за реку и обначеваша со стражею; во утрии же восташа, помолишася богу и прославиша явльшагося им заступати во граде их великомученика Димитрия Селунскаго и поидоша без боязни во град Сибирь, еже Кашлык, и внидоша во град в лето 7090 октября в 26 день.

 

 

 

Смотрите также:

 

Разбой Козаков. Ермак. Поход на Сибирь. Гнев Иванов.

Неверность Царя Кучюма. Разбой Козаков. Ермак. Поход на Сибирь. Гнев Иванов. Подвиги Ермаковы.
Ночной совет Козаков. Решительная битва. Взятие Искера, или города Сибири. Строгость Ермака. Пленение Царевича Маметкула.

 

ЕРМАК. царь Иван IV велел Строгановым под страхом...

Суть его заключалась в том, что покорение Сибири осуществили государевы служилые люди по прямому указу царя. На самом деле царь Иван IV велел Строгановым под страхом «большой опалы» вернуть Ермака из похода в Сибирь.

 

ЕРМАК. ГИБЕЛЬ АТАМАНА смерть Ермака тимофеевича

К концу пребывания Ермака в Сибири весь его отряд мог свободно разместиться на семи-восьми стругах.
Бухарцы жаловались Ермаку, «что их Кучум не пропускает в Сибирь». Поход на выручку к бухарцам завершился катастрофой.