Хрестоматия по истории

 

 

ПОСЛАНИЕ ЦАРЯ ИВАНА IV ВАСИЛЬЕВИЧА ГРОЗНОГО К КНЯЗЮ А. М. КУРБСКОМУ   

 

 

 

В 1564 г. князь Андрей Курбский изменил Ивану IV и бежал в Литовское великое княжество к польскому королю Сигизмунду Августу. Из ливонского города Вольмара он послал царю первое послание, обвиняя его в уничтожении боярских родов и напрасном кровопролитии. В ответ Иван Грозный написал свое первое послание изменнику-князю, в котором обосновывает свои права на самодержавную власть и изобличает изменнические замыслы бояр и самого Курбского. Здесь печатаются начало и отрывки первого послания Ивана Грозного по изданию — «Русская историческая библиотека», том 31, СПБ 1914.

 

Послание царя и великого князя Иоанна Васильевича всея Росии ко князю Андрею Курбскому, против его князя Андрея письма, что он писал из града Волмера.

 

Бог наш троица, иже прежде век сый ныне есть, отец и сын и святый дух, ниже начала имать, ниже конца, о немже живем и движемся есмы, и имже царие царьствуют и сильнии пишут правду; иже дана бысть единородного слова божия Иисус Христом, богом нашим, победоносная херугви и крест честный, и николи же победима есть, первому во благочестии царю Константину  и всем православным царем и содержателем православия, и понеже смотрения божия слова всюду исполняшеся, божественным слугам божия слова всю вселенную, яко же орли летание отекше, даже искра благочестия доиде и до Руского царьства: самодержавство божиим изволением почин от великого князя Владимера, просветившего всю Рускую землю святым крещением, и великого царя Владимира Манамаха, иже от грек высокодостойнейшую честь восприемшу, и храброго великого государя Александра Невского, иже над безбожными немцы победу показавшего, и хвалам достойного великого государя Дмитрия, иже за Доном над безбожными агаряны велику победу показавшего, даже и до мстителя неправдам, деда нашего, великого государя Иоанна, и в закосненных прародительствиях земля обретателя, блаженные памяти отца нашего, великого государя Василия, даже доиде и до нас, смиренных скипетродержания Руского царствия.

 

Мы же хвалим за премногую милость, произшедшую на нас, еже не попусти доселе десницы нашей единоплеменною кровию обогритися, понеже не восхитихом ни под ким же царьства, но божиим изволением и прародителей и родителей своих благословением, яко же родихомся во царь- ствии, тако и возрастохом и воцарихомся божиим велением, и родителей своих благословением свое взяхом, а не чюжее восхитихом. Сего православного истинного христианского самодерж- ства, многими владычествы владеющего, повеление, наш же христианский смиренный ответ бывшему прежде православнаго истиннаго христианства и нашего содержания боярину и советнику и воеводе, ныне же преступнику честного и животворящего креста господня, и губителю христианскому, и ко врагом христианским слугатаю, оступльшим божественнаго иконного поклонения и поправшим вся священные повеления, и святые храмы разорившим, осквернившим и поправшим со священными сосудами и образы, яко же Исавр, и Гноетесный, и Арменский сим всем соединителю, — князю Андрею Михаиловичю Курбскому, восхотевшему своим изменным обычаем быти Ярославскому владыце, ведомо да есть...

 

...Яко же беси на весь мир, тако же и ваши извольшия быти друзи и служебники, нас же отвергшеся, преступивше крестное целование, бесов подражающе, на многообразныя ми воды всюду сети поляцающе, и бесовским обычаем на всячески назирающе, блюдуще хожения и глаголания, мняше нас яко безплотных быти, и от сего многия сшивающи поношения и укоризны на нас, и весь мир позорующих и к вам приносящих. Вы же им воздаяние много за сие злодейство даровали есте нашею же землею и казною, называючи их ложно слугами; от сих бесовских слухов на- полнилися есте на мя ярости, яко же ехидна яда смертоносна, и возъярився на мя и душу свою погубив, и на церковное разорение стали есте. Не мни, праведный, на человека возъярився, богу приразитися; ино бо человеческо есть, аще и порфиру носит, ино же божественное...

 

... Како же не усрамившися раба своего Васьки Шибанова? Еже бо он благочестие свое соблюде, и пред царем и предо всем народом, при смертных вратех стоя, и ради крестного целования тебе не отвержеся, и похваляя и всячески за тя умрети тщашеся. Ты же убо сего благочестия не поревновал еси: единого ради моего слова гневна, не токмо свою едину душу, но и всех прародители души погубил еси, понеже божиим изволением, деду нашему, великому государю, бог их поручил в работу, и оне, дав свои души, и до смерти своей служили, и вам, своим детем, приказали служити и деда нашего детем и внучатом. И ты то все забыл, собацким изменным обычаем преступил крестное целование, ко врагом христианским соединился еси; и к тому, своея злобы не разсмотряя, ситцевыми и скудоумными глаголы, яко на небо камением меша, нелепая глаголеши, и раба своего во благочестия не стыдишися, и подобная тому сотворити своему владыце отвергался еси.

Писание же твое приято бысть и разумлено внятельно. И понеже убо положил еси яд аспиден под устнами своими, наполнено меда и сота, по твоему разуму, горчаише же пелыни обретающеся, по пророку глаголющему: «умякнуша словеса их паче елея, и та суть стрелы». Тако ли убо навыкл еси, христианин будучи, христианскому государю подобно служити? и тако ли убо честь подобная воздаяти от бога данному владыце, яко же бесовским обычаем яд отрыгаеши?..

 

... И сего ради, еже от юности моея благочестие, бесом подобно, поколебасте, и еже от бога державу, данную ми от прародителей наших, под свою власть отторгосте. Ино се ли совесть прокаженная, яко свое царьство во своей руце держати,. а работным своим владети не давати? И сему сопротивен разуму, еже не хотети быти работными своими владенну? И се ли православие пресветлое, еже рабы обладаему и повеленну быти? Сие убо от внешних и от о душевленных и о церковном.

 

Аще есть малое согрешение, но сие от нашего же соблазна и измены; паче же и человек есмь: нет бо человека без греха, токмо един бог; а не яко же ты, яко мнишися быти выше человека, со ангелы равен. А о безбожных человецех что и глаго- лати! Понеже тии все царьствии своими не владеют: како им повелят работныя их, тако и владеют. А Росииское самодерж- ство изначала сами владеют всеми государьствы, а не бояре и вельможи. И того во своей злобе не мог еси разсудити...

 

 

 

Смотрите также:

 

Переписка Андрея Курбского с Иваном Грозным

Первое послание Ивана Грозного Курбскому. Благочестиваго Великого Государя царя и Великого князя Иоанна Васильевича всея Русии послание во все его Великие Росии государство на крестопреступников...

 

Политическая теория Ивана IV. Слава об Иване IV...

Из первого послания Ивана Грозного Андрею Курбскому видно, что начало данной власти царь вел от Владимира Святого. "Сего убо православия истиннаго Росийскаго царствия самодержавство, — отмечал Иван IV...

 

Правление Ивана Грозного

...а царя и великого князя Ивана Васильевича всея Руси... злым измышленьем извести, а на
По преданию, это послание было доставлено верным слугой Курбского Василием
9. Конец царствования Ивана IV. Еще в середине 70-х гг. поведение «грозного царя» мало чем...