Хрестоматия по истории

 

 

ПЛЕНЕНИЕ ВЕЛИКОГО КНЯЗЯ ВАСИЛИЯ

 

 

 

В самую же литургию пригонил к великому князю, в неделю о блуднем, Бунком зовут, поведая ему, что идут на него князь Дмитрей Шемяка да князь Иван Можайской ратью, и не ят ему веры, понеже бо тот Бунко за мало преже сего отъехал к князю Дмитрию, и рече: «сии смущают нас, а яз с своею братьею в крестном целовании, то как может то быти так?».

 

И повеле того ис манастыря збити и назад воротити его; и ако бывшу тому на Вори , яща  его. ратнии сторожи и биша его. А князь велики, хотя ему не имя веры, а единако посла сторожи  Радонежу. Они же прщнедще сташа на горе над Радонежем стеречи, и познаша их ратни.и сторожи издалеча,. а си тех ратных не усмотриша, и. не имяху веры тем вестем; а те сторожи и сказаху князю Ивану, что есть сторожи за Радонежем на горе, он же повеле сани многи изрядити как возы с рогозинами, а инии с плъстми 8, а в них по два человека в доспесе, а третий после идет как бы за возом; и как предние уже минуша их, и тако выскакаша вси из саней и изнимаша их, а убежати им некако ёяше, понеже бо тогда снег был девяти пядей.

 

И тако въскорё поидоша к манастырю, и как явишяся скачюще на конех з горы тоя к селу к Климеитьевскому якоже на лов сладок, и ако увидев их князь велики потече сам на конюшенной дворец, и не бе ему коня уготована; сам бо се яко лож вмени, надеясия на крестное целование, и не повеле себе ничего уготовати, а люди вси в унынии быша и в торопе велице яко изумлени. Видев же князь велики, яко несть ему никакие помощи, скоро поиде на манастырь к церкви святыя Троица каменыя; пономарь же, имя немь Никифор, инок, притек и отмче церковь, князь же велики вниде в церковь, и он замкнув его отшед схоронися. А они убийци якоже сверепии влъци възгониша на манастырь на конех, прежде всех Никита Костянтиновичь , и на лесницу на коне к предним дверем церковным, и ту пошедшу с коня ему и заразися  о камень, иже пред дверми церковными възделан на примосте, и пришедше прочия взняша его; он же едва отдохнув, и бысть яко пиан, а лице его яко мертвецу бе. Потом же и сам князь Иван взгони на манастырь и все воинство их, и начят въпрошати князь Иван: «где князь велики?»

 

 Князь же великий внутрь церкви услыша князя Ивана глаголюща, и въспи  велми глаголя: «брате! помилуйте мя, не лишите мя зрети образа божиа и пречистая матере его и всех святых его; а не изыду из манастыря сего и власы главы своея урежу зде». И шед к дверем южным отпре их сам, и взят икону иже над гробом святаго Сергиа, явление святыя богородица с двема апостолома святому Сергию, и срете в тех же дверех церковных князя Ивана, глаголя: «брате! целовали есмя животворящий крест и сию икону в церкви сей живоначалноа Троица, у сего же чюдотворцова гроба Сергиева, яко не мыслити нам, ни хотети ни которому же от братьи межу себе никоего лиха; а се ныне не вем   что есть на мне».

 

Князь же Иван рече к нему: «господине государь! аще ли ти въсхощем коего лиха, буди то над нами лихо; но се творихом христианства ради и твоего окупа : видевшие бо се татари пришедши с тобою облегчать окуп, что ти царю давати». Князь же велики поставль икону на месте своем и паде ниць у гроба чюдотворцева Сергиева, слезами обливаа себе и велми въздыхаа кричанием моляся захлипаяся, яко удивитися всем сущим ту и слезы испустити и тем злодеем противным; а князь Иоан мало поклонся в церкви изыде, рече Миките: «възми его». И князь великий много молився въстав от нечяаниа своего и възрев рече велми: «где брат князь Иван?» Приступль же злый раб гордых и немилосердых мучитель Никита, ят за плечи великого князя, глаголя: «пойман еси великим князем Дмитреем Юрьевичем».

 

Оному же рекшу: «воля божиа да будет», он же злодей выведе его из церкви и с монастыря сведе и посадиша его в голый сани, а противу его черънца, и тако отъидоша с ним к Москве; а бояр его всех поимаша, а прочих всех пограбивше нагих попущаша.

 

 

 

Смотрите также:

 

О пленении и ослеплении великого князя Василия 2

А князя великого Василия в понедельник к ночи, на мясопустной неделе, 14 февраля, привели на Москву и посадили его на Шемякином дворе, а сам князь Дмитрий Шемяка стал на Поповкином дворе.

 

великий московский князь Василий Темный

Нашествие Царя Казанского. Плен Великого Князя. Ужас и бедствие Москвы. Разбой Князя Тверского.
Опасаясь Василия, Юрий выехал из Дмитрова, куда Великий Князь немедленно прислал своих Наместников, изгнав Юрьевых.

 

МОСКОВСКАЯ РУСЬ. Дмитрий Шемяка. Василий Тёмный

"Князь Юрий ищет великого княжения по завещанию отца своего, а князь. Василий - по твоей милости".
победить Василия и вернулся в стольный город, захватив в плен и мать. великого князя.