Хрестоматия по истории

БОРЬБА ВАСИЛИЯ ТЕМНОГО С ДИМИТРИЕМ ШЕМЯКОЙ ЗА ВЕЛИКОЕ КНЯЖЕНИЕ   

Отрывок о борьбе Димитрия Шемяки с Василием Темным взят из летописи по «Воскресенскому списку» («Полное собрание русских летописей», т. VIII, СПБ 1859).

Повидимому, этот отрывок первоначально представлял собой особую повесть о взятии в плен великого князя Василия и об его ослеплении.

ПОЕЗДКА ВЕЛИКОГО КНЯЗЯ ТРОИЦКИЙ МОНАСТЫРЬ

О великом князи из ы мани и, как пойман бысть князем Иваном Андреевичем  у Троици в Сергиеве монастыре. В лето 6954 2. Князю же Дмитрею Шемяке вложи диавол мысль хотети великого княжениа, и начят посылати к князю Ивану Можайскому с тем, что, рекши, царь на том отпустил великого князя, а он к царю целовал, что царю сидети на Москве и на всех градех Рускых и на наших вотчинах, а сам хочет сести на Твери.

И тако по дьяволю научению обьсылающися и здумавшеся с своими съветники злыми иже не хотящей добра своим государемь и всему христианству, и посылают с предреченными речми к великому князю Борису Тверьскому; он же слышав то убояся, и бысть единомысленик с ними.

Мнози же и от Москвичь в думе с ними бяху, бояре же и гости; бе же и от чернцов в той думе с ними.

И тако начяша князи и с своими съветники безвестно въоружатися и искати подобна времени, како бы изгонити великого князя. Усмотрив же сии таков получей подобен их злому съвету, въсхотевшу великому князю итти и поклонитися Живоначялной Троици и мощем чюдотворца Сергиа: пошедшу же ему и с своими благородными чады, с князем Иваном и с князем Юрьем, и с малыми зело людми, ничтоже иного чаа, но токмо накормити сущую  братью великиа тоя давры; а к князю Дмитрею Шемяке и Ивану Можайскому вести по все дни посылаеми бяху с Москвы от изменников, а они съвокупившеся стояша в Рузе, готови суще, яко пси на лов или яко дивии зверие, хотдще насытитися крове человеча.

Бывши же к ним вести той, что князь велики изыде из града, они же часа того цоидоша изгоном к Москве и приидоша февраля месяца в  2 день, в субботу, в 9 час нощи, противу недели иже о блудном сыну \ и взяша град: не бяше бо в нем противящагося им и никому ведущу сего, токмо единомыслеником их, иже и град отвориша им; они же вшедше в град великих княгинь изнимаша, Софью и Марью , и казну великого князя и матери его разграбиша, а боар сущих ту изнимавше и пограбиша, и иных многих и горожан. И тоя же нощи пакы отпущает князь Дмитрей Шемяка князя Ивана Можайского на великого князя Василья к Троици изгоном с многими людьми своими и с его.